1.

Amigunan bin tende un cuenta tur afó
Cu a sosedé ayera anochi dies dos or
Pa mei anochi Oloshi' misa
A bira kens, dal dies tres sla
Na e mes momentu den aire scur
M'a mira un spoki, mi tin sigur
E ta tin un borchi den su man
No Horta placa di bo ruman
Ai, oloshi kens

2.

M'a mira e spoki riba dak di misa mes
Un lus teribel ta lusa na su cabes
E tin dos wowo, manera rayo
Su pianan parce no tin fin
Un paña blanco ta su bistí
E tin un cara masha tribí
Su brasa parce e taconan
Di e gran biljart di mi ruman
Ai, oloshi kens

3.

Tur parandero di nos pueblo amir'é
P'e palabruha di Shi Merinan tambe
Tambe shon Wiwi, cu Buchi Paula,
A mira ayá e spoki kla
Un man ta mustra né letternan,
no horta placa di bo ruman
E otro man ta mustra un cas
Cu mi no sa su nomber mas,
Ai, mi mes ta kens.