Dos pia a forma par
Letra: Digna Laclé

Koor: Pedrito y Wancito ta dos tercio popular.
Na skool den travesura ta dos pia’ foma par
meneernan tur tin keho, ta duna nan conseho
juffrouwnan tur ta grita y ta dal man na cabez
e mamanan na cas ta keha ya ta cuanto bez.
Mama: Pedrito bo n’ ta lamtá ’we . Ta or’i skool.
Ya Wancito ta wardá bo caba na skina di curá.
Bam mira, banja bisti y penja bo cabei.
Tur dia e mes cantica. Sigur awe bo ta yega last trobe.
Meneer mester duná bo un bon pak.
Ami ya ta cansá di papia.
Corda cu mi tambe mester bai trabao.
Bo co’ i come ta keda riba mesa.
Y corda limpia bo zapato.
Pedrito:
Sí Mama m’a tende. Na unda mi camisa ta ?
Mama:

Até riba stoel, y pa fabor no ranca e botónnan
y corda cu bo ta bai skool pa sinja y no pa hunga.
Pedrito: Ayera m’a haya un tien pa som.
E biaha ‘ki sí mi ta haya un bon rapport.
Meneer ta mucho chapo om’ !
Mama: Meneer chapo o no chapo , ta bo ta bay pa sinja.
Ta tur ora bo ta contá mi di e tiennan.
Pero ke hubo die e nulnan ? Mira, ami ta cla.
Corda no come anshá. Te ‘woro tende !
Pedrito: Ayó Mama. Mi ta cerca cla. No worry.
Koor: Mainta bon tenpran riba caminda,
sin purá Pedrito cu Wanci to man tení ta combersá.
Nan tas riba nan lomba, manera dos wantomba.
Zapato tur na lodo y camisa bon habrí
Pa nan no tin meneer y ni juffrouw ta existì.

Den pal ‘ i watapana tin un neshi di trupial.
Wancito cu Pedrito no ta pensan ningun mal.
Contento di ‘legria nan dosta cont’e crìa
Ya bel di skool a bati, ma nan dos no tin purá.
Tur les di teal cu som pa nan mihor bo lubidá.

Pará mei-mei caminna un juana bon barbá
Pedrito cu Wancito nan tur dos morto spantá
Nan dos a plama penja, no ta co‘i ganja-ganja.

Ta bon cu port’i skool ta te ainda bon habri
Wancito cu Pedrito a hib‘ un sustu merecí.
Meneer: Zo, zo Wancito en Pedrito, alweer te laat ? ! En . . . . ?
Wancito: Meneer een . . . een . . . h h h
Pedrito: Een joewana is ons achterna gelopen.
En we moeten rennen meneer . . . . . h h h
Meneer: Zo, als de joewana er niet was dan waren jullie nog later,
als ik het goed heb.
Wancito: We hebben ook de vogeltjes geteld , meneer !
Meneer: Dan mogen jullie vanavond strafregels tellen. Ieder 100.
Wancito: Maar meneer . . . . . wat moeten we nu schrijven ?
Pedrito: "Vogeltjes geteld..... "natuurlijk !
Koor:

Pedrito cu Wancito nan tur dos ta primintí
cu nunca mas nan dos lo haci cos di trimintí
Ni pahra ni juana, mas duru nan lo camna.
Meneer també juffouw lo no tin keho di nan mas.
Y támbe nan lo pone hopi tino mas den klas.
Texto: © Digna Laclé-Herrera
Derechonan reservá: Digna Laclé-Herrera
Nada for di e texto aki por wordu copia di un manera ò otro sin autorisacion antemano di e autora. Danki na señora N. Hoevertsz cu a typ tur e storianan

comienzo