Bida Virtual

Bo expreshonnan pontificá
Inundando den mi mente
Laga un huella di tormenta
Sin razon
Ta brota - ta brota

Un tempo
E reina di mi curazon
Biba como salvaje
Ta baha di su trono
Pa enrikese su ser

Man'e un rosa
Ta papia cu otro
E lagrimanan seco
Ta laba den awacero
Den otoño

B'a lanta para
Ora a sali di bon
Cu bo rosea b'a papia
Den un mundo virtual
Pa bo morde supla

No mira na banda
Sin perde e doló
Riba e boulevard
Di esan cu nan pia
'n ta toca e suela.

Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin autorisacion antemano di e autor.