Rubia,
M'a bandona bo un tempo
Cu e deseo di regresa
Di por mira bo
Un dia, un anochi, un aña
Riba bo stupi
M'a admira e loke falta
Na colonan di prenda
Den e coyar di bida
Colga na bo cintura
E playanan, solo, suela
Cu m'a pisa riba
Nunca m'a lubida
Esun guia sin fin
Despues dje separacion
Ja pa basta tempo
Mi kier a regresa
Pa caricia bo cara
Di cuanto b'a cambia
Sin por a disfruta
E
silhueta a pega
N'e muraya di mi curason
Sin cana bai drumi
Ni ora di descanso
Pa demostra mi fieldad
Awor cu e bandera t'ei
Diripiente n' tin luga mas
Pa mi lealtad
Hamas m'a bandona bo
Pa awe ta extradita
Titulo:
Destino
Autor: Quito Nicolaas
Pagina's: 75 pag.
ISBN: 90-805979-1-0
Nada for di e texto aki por wordu copia di un manera ò otro sin
autorisacion antemano di e autor.
