Bo
tabata mi bos
Cu por a papia
Sin cu mi por a scucha
E palabranan di afeccion
Hamas pronuncia
Bo tabata mi oido
Cu por a scucha
Sin cu mi por a expresa
E sintimentonan
Nunca transmiti
Bo tabata mi bista
Cu por a mira
Sin cu mi por a detecta
E rayonan di vibracion
Hamas visualisa
Bo tabata mi celebro
Cu por a dirigi
Sin cu mi por absorbe
E señalnan di pasion
Nunca imagina.
Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin
autorisacion antemano di e autor.
(Bron uit: Destino, 2000/ISBN 90-805979-1-0)
