Di con
Si wak bo
Ora mi despierta
Mientras ba bai sosegá
Mi wowonan ta cera.
Hopi a transcedentá
Y ainda no a cambia
Bo ta recordá
Mi riba e cosnan di bida
Cu ainda 'n ser lográ.
Si mi kita cara
Paso mi'n ke corda
Locual a pasa aden
Den tur skina di bida
Un hanchi sin salida
Bo voz di Epicurio
A construi un mercenario
Custumbra di inseguridad
Na fondo di cai
Pa no lanta mas.
Nos ultimo encuentro
Mi'n lubida mas
E mensahe pa añas
A conduci na
Un dialogo cu mi mes
Bo miro di lamento
A duna mi forza
Di tribi busca
Un miho pasado
Sin nada
Te ainda
E horizonte ta nubiá
Na ora di gloria
Unda e cero ta caba
Sin jega un destino
E leyenda
Ta capa tur flechanan
Di ni jega cerca
Un mission pelegrino
Cu hopi ta persigui
Ta di compronde
Bo deseo di regresá
Di realisá bo dia
Riba e suela di pargata
Sunchi e ultimo rosea.
Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin
autorisacion antemano di e autor.
