Mi
shelo, ta di con
bo brasanan ta cai;
cu ni un orcan
no a basha bo abou,
di tanto cu b'a mira.
Sin a desaroya
e musculonan,
cu a wanta tur biento
pa duna direccion
n'esnan sin destino.
Pa siglonan
b'a keda para
mane' un monumento
cu un mensahe
p'esnan ciego.
B'a mira
Bida cambia,
naturalesa dirti den tempo.
Bo benanan di speransa,
a grita un colo.
Bou'i tera hundo,
e secretonan a muri
sin afecta e raisnan
cu a brinda
e takinan un testimonio.
Esnan cu a yega sinta,
b'a ofrece proteccion.
Ignorando e berdad,
di un clima ausente
rondona di baranca.
Bo forsa n' caba
pa falta di yobida.
Situa den un mondi,
b'a crece y yora
den bo testamento.
Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin
autorisacion antemano di e autor.
(Bron uit de bundel Destino, 2000/ISBN 90-805979-1-0)
