Nacion

Nos Nacion
Bo yiunan ta jama bo
Entre tur e baricadanan
Di un tore
Cua nace na Palo Marga

Soña cu nan virtud
Un huerfano entre e ceru
Sin e horizonte
Dianan scur so a conoce
Cu sanger n'e lombrishi

Bo rioolnan a seca
Heridanan a habri
Casnan a desmayá
Sin lódo pa wante
E cielo como mi luz

Mi yiunan
Bo Nacion ta jama bo
No pa destrui
Cu motibonan fófo
Mientras na rudia

Nos naturaleza
Tur cua desaparece
Ta razon pa un grandi
Mi Nacion
Bo yiunan, ta jama bo.

Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin autorisacion antemano di e autor.
For di Atardi di Antaño ISBN 90805979-5-3