Palabranan

Un baile por expresa hopi,
hopi mas cu nos ta kere y capta.

E curpa di mi palabranan
bailando un ballet, moviendo
man y pia; cambiando sin sa
e figura di e palabranan.

un lus cu ta busca mil palabra
un cantica e ta compone di e
letternan cu ta forma un couplet
despues di dobla curpa na tur midi.

palabranan cu mi curpa ta expresa
dilanti un publico amante di
e zonido cu mi curpa ta produci
unda e curpa na palabra ta reposa.

Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin autorisacion antemano di e autor.
For di Atardi di Antaño ISBN 90805979-5-3