Ritmo di deseo
Palabranan a permiti tortura mental,
despues cu tera a skeer habri pa guli e berdad di e peso den cada pia.

Fleta di pahranan,
halanan di seda,
laman a bira shelo.

Chosa man'e cocolishi,
crusa entre colebra,
pipitanan maldiciona.

E curpa su mente
cambia di rumbo
cu celebro den man.

Un rosea grandi
garna na garnachi,
supla un pasado.

Cuero di mi sodo;
un melodia den cara
pinta e palabra gitano.

Santiago, bisa mi:
Shelo a bira laman
ora luna so tapa?

Teksto: © Quito Nicolaas
Derechonan reservá: Quito Nicolaas
Nada for di e texto aki por wordu copia di un manera ò otro sin autorisacion antemano di e autor.
For di Atardi di Antaño 2005 - ISBN 90805979-5-3 (Bron: De namiddagen van weleer, 2005)