|
Na
boca Hadicurari e solo
promé cu e yama e dia ayó
ta tiña e nubianan tur color,
Pa regalá nos isla un atardi
cu un crepúsculo inigualá !
E olanan cu nan suave murmuyo
ta ofrecé nos un preludio
pa iniciá nan gran concierto
na oriya di lamar.
Boca Hadicurari un sonrisa djé Creador
santuario y patrimonio
dje humilde y simpel piscador !
Ma ay……bo suerte ta tirá,
bo beyeza único y bo candor
a keda violá y ultrahá
pa e abusador cu sin pudor.
a troca e yiu pa tamarijn
pa cinco strea y placa di tayó.
Boca Hadicurari ayó !
Como un recuerdo lo mi conservá
bo bahada di solo sin igual.
Bo lamar diáfano cu no tin pa compará
un refugio pa mi alma
caminda cu den mi fantasía
mi a forza soñonan c' un dia
lo mester a keda realizá.
Boca Hadicurari ayó ……bo suerte ta tirá !
 
|
