|
Un
monumento,
un obra maestra pará den tur su grandeza
aya na canto di lamar,
un
regalo cu cual
mama naturaleza a dorna
e playa mas bunita.
E mata di fofoti,
pa hopi inspiracion y testimonio
di un beyeza singular,
sin par...
Su silueta tur atardi ta
uni cu e solo
cu ya ta perpará
pa bay sosegá y laga atras
e paisahe mas maraviyoso
cu bo por a contemplá hamas
Den
curazon di su troncon corcobá
secretonan bunita bon wardá,
promesa di fieldad y di amor
a keda seyá,
e fofoti como testigo
mientras bao caricia di e brisa
su blachinan ta susurá y ripití
dushi mi ta stimá bo,
mi ta stimá bo......
Awe,
sin piedad
mannan cruel di un malhechor,
un destructor
a mutilá e mata di fofoti
y den e silencio di atardi
bo por scucha su kehido di dolor
cu a keda den e olanan grabá
aya na kanto di lamar.
|
