|
Chikito,
sin nungun pretension
un símbolo di devocion
di un pueblo humilde
cu ta reuní den oracion
pa duna testimonio di su fe
y mustra cu den su curazon
ainda tin un poco gratitud
y tambe un tiki di speranza
pa halza un canto
y duna alabanza
na E Creador cu a bendicioné
cu un isla tan encantador
na E Gran Pintor
cu a pinta su paisahe
n'E Compositor cu a melodia
den e murmuyo di su biento y su lamar..!
Meymey di piedra
y baranca
e Kapel di Alto Vista
ta pará
sin vanidad
e símbolo di un pueblo
su simpleza y su humildad..!
|
