|
Nan
di cu e no t'un lenga
ni tampoco e t'un idioma
un dialecto di esnan no educa,
cu gritonan di calacuna compara.
Puristanan kier kita su encanto
cu ultrahenan mal intenciona
pa conbirtie den casteyano mal papia.
Avant-gardistanan ke mutile
den un 'patois'nan ke cambié.
Na
papiamento mi mama a canta
canticanan pa mi por drumi
siña mi reza y gradici mi Creador
pa tur e cosnan bunita rond'i mi,
mientras cu na su man duro teni
mi tabata cana ripiti
nomber dje bestianan den mondi,
dje pahra y matanan na flor.
Na Papiamento mi a susura
palabranan dushi di amor
pa mi bise cuanto mi ta stime.
Na Papiamento m'a fohra den mi fantasia
un mundo pa mi scapa di mi soledad,
indignacion y admiracion m'a expresa,
cu gritonan di angustia mi a rebeldia.
Nan di cu e no t'un lenga
ni tampoco e ta un idioma
ma un cos si mi ta cierto:
na Papiamento lo mi contesta Señor
na e momento cu E bisa: bini awor!
|
