proverbio cu letra: A

nr.	palabra	nificacion
1.	Amor ta ciego :	Ora cu bo ta stima un hende hopi bo no ta o bo no kier mira su faltanan.
2.	E pueblo ta ariba'bao :	E pueblo ta malcontento ; e pueblo ta borotá.
3.	E cas ta ariba'bao :	E cas ta tur foi orden.
4.	Tur cos a caba na aros y coco	Tur cos a caba na nada.
5.	E no tin arte ni parti aden :	E no tin nada di haber cu e asunto.
6.	E ta un alma entregá :	E no tin cuenta cu nada ; nada ta importé.
7.	E tin mi manera alma na pena:	E tin mi ta warda ya pa basta rato.
8.	Nan ta manera azeta riba awa:	Nan ta trata otro ariba ariba.
9.	Awa keto ta awa hundo :	Un hende keto por ta peligroso ; no confié.
10.	E ta un awa keto :	E no ta loko cu e ta parentá ; wardá bo di dje.
11.	El a baha na awa :	El a huy; el a laga cay.
12.	El a coi awa :	E tin algo (castigo) ta speré.
13.	No tin awa pa laba :	No tin nada mas pa haci ; nada no ta yuda mas.
14.	Galiña ta laba cu e poco awa cu e tin :	Mester haci manera por ; mester ta conforme cu loko tin.
15.	Bo no por planta cu su awa :	Bo no por conta cuné.
16.	Traha dam pa warda awa :	Prepará pa manan no cohé bo bashí ; prepará pa cualkier emergencia ; spaar.
17.	Awa a pasa hariña :	Cos a bay foi man ; esaki si ta di mas.
18.	Esun cu yega promé ta bebe awa limpi :	Bo mester ta tempran pa bo por probechá.
19.	No bisa nunca cu di e awa aki mi no ta bebe :	No hura nunca cu abo si lo no haci tal cos.
20.	E ta den su awa :	E tin mal beis.
21.	E ta awa na un man, candela na e otro :	E ta falso.
22.	Nan ta riba mesun awa	Nan ta opiná mescos ; nan ta den mesun situacion.
23.	E no ta duná mi awa na garganta :	E no ta duná mi tempo.
24.	Loko no bay na awa lo bay na salo :	Nan lo perde tur cos (na mal manera na lo perde nan fortuna).
Texto: © Digna Laclé-Herrera Derechonan reservá: Digna Laclé-Herera Danki na Ray Maduro, N.Hoevertsz cu a typ e texto