Proverbio cu letra
Scirbí pa: Digna Laclé
Na honor di mi Mama

nr.	palabra	nificacion
229.	Comedó di webo no sa cuanto doló galiña a pasa :	Goza di otro su esfuerzo y trabao.
230.	Dia galiña haña djente ; dia gay pone webo :	Nunca.
231.	Cu gay bieu bo ta traha un bon soppi :	Un hende bieu ta bon pa su experencia.
232.	E ta kere den web'i gay :	E ta kere den co'i loco.
233.	Ta un otro gay lo canta :	No tin nada pa come.
234.	E ta core cabez di gay :	E ta a punto di fracasá .
235.	Nan ta mama bo gay :	Nan ta haci mofa di bo ; nan ta cherchá bo.
236.	Ta haladó di garoshi e ta :	E ta traha , ma ta otro ta haya puesto (den política ).
237.	Ey bao tin glas :	E asunto no ta di confia ; tin mas cos ey tras.
238.	No bin cumpra grandi riba mi :	No plé grandi cu mi ,pasobra mi sa ta ken bo ta.
239.	Un fiesta di grita :	Un fiesta tur afó , hopi bon.
240.	Guli manda bao :	Wanta abuso ; no reaccioná.
241.	El a bay biaha di gustin.	E no a bolbe mas.
242.	Caminda leu guiambo ta seca na palo :	Pa motibo di destancia grandi un relacion amoroso of un amistad por caba.
243.	Guiambo bieu a bolbe na weya :	Cos a drecha entre dos persona cu a kibra nan relacion amoroso.
244.	Bo tin cu gatea promé bo cana :	Bo tin di haya experencia.
Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto