Proverbio cu letra
Scirbí pa: Digna Laclé
Na honor di mi Mama

	nr.	palabra	nificacion
	245.	Bula cu hala di manteca :	Haci grandi ; gasta mas di loke bo por.
	246.	Hangua ta sera tur buraco, menos esun di djé :	E tin solucion pa problema di tur hende, menos pa esun di djé.
	247.	Bo ke hancho pabo , delegá pa mi :	Bo ke e mihor parti pa bo ; lo ke bo ke ta inhusto.
	248.	Loke ta hecho no por bira berde :	No por trece cambio mas den loke a pasa.
	249.	Mi no por kibra hero cu man :	Mi no por haci lo inposible ; mi no por forza algo cu no por.
	250.	E no a hiba ni trece :	E no a reacioná ; e no a bisa nada.
	251.	E mes ta hiba e mes ta trece :	E ta hacidó di redo.
	252.	E tin mal higra :	E ta mal hende.
	253.	Su higra ta preto :	E ta mal hende.
	254.	Mi a haci e trabao ey ariba mi higra :	Mi a haci e trabao cu hopi dficultad ;.... contra mi gusto.
	255.	Den e higra di solo :	Ora cu solo ta mas cayente.
	256.	El a hole morto bolbe :	E tabata hopi malo.
	257.	El a bisti manera Huda mayó :	El a bisti masha ( un poco exagerá ).
	258.	E ta manera un hilo :	E ta flaco.
	259.	E ta un Hudas :	E ta un traidor ; e ta falso.
	260.	Si hero ta cayente , laga strika :	Haci uso di e oportunidad awó ; probechá di e situacion awó.
	261.	Esaki si nos ta yama sota den herida :	Hopi mala suerte ; mas problem acerka.
	Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto