Proverbio cu letra
Scirbí pa: Digna Laclé
Na honor di mi Mama

nr.	palabra	nificacion
279.	Lamar no ta come sobra :	Lamar ta peligroso.
280.	Si lamar seca , berguenza ta pa Dios :	Si nos haci un mal trabao e consecuencia ta pa nos mes.
281.	El a jena su Lambik :	El a bebe burachi.
282.	E ta un lana :	E ta un sokete.
283.	Papia na laira :	Papia co'i kens ; papia di cos cu bo no sa.
284.	E tin mala lenga :	E ta gusta papia malo di otro.
285.	Lenga di pueblo dí :	Segun nan ta bisa ; tin papiá.
286.	Campana a guli lenga :	El a keda keto ; e no a bisa nada na su defensa.
287.	Su lenga ta largo :	E ta kaweta ; e ta gusta reda.
288.	E no por warda su lenga :	Su lenga no tin slot , e ta kaweta ; e ta gusta reda.
289.	Berdad no ta pica lenga :	Berdad no ta haci daño.
290.	Tur dia no ta lechi dushi :	No ta tur dia bo tin suerte.
291.	Aki mi cabuy'i lombrishi ta derá	Aki mi a nace.
292.	Papia manera lora :	Papia hopi.
293.	Palo a co'i su lomba :	El a cuminza haya sla ; el a haya criticá .
294.	Su lomba ta hancho :	E por wanta hopi criticá ; e ta bon pará financieramente.
295.	E ta traha cu luna :	Su cabez no ta traha bon.
296.	Bo a keda lushi :	Bo no a logra.
297.	Ora laken blanco subi mi pecho :	Ora cu mi muri.
298.	Si bo no ke tin gera cu lagadishi , no planta banda di su trankera	Evitá problema caminda cu bo sa cu esey por surgi.
299.	Mi no a bisa lí ni la :	Mi no a bisa nada.
300.	Su lampi ta yen :	E ta bon burachi.
301.	Nan a paga lomba :	Dos ruman a casa cu dos ruman , esta ruman muher di esun cu ruman homber di e otro ; yuda otro haci un tabao .
Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto			comienzo