Proverbio cu letra: M

nr.	palabra	nificacion
302.	Awe ta dia di corta maishi :	Awe ta cobra salario.
303.	Un bon madrasa y un mal mama :	Tin bes stranhero ta haya mihor trato cu yui di tera.
304.	Su hendenan tin manera :	Nan tin bon cen.
305.	E ta yora malay :	E tin duele.
306.	El a saca mi maca :	El a saca cos nan negativo di mi na cla.
307.	Pasahero bo ta conoce na su maleta:	Un hende ta laga mira ken e ta pa su comportacion .
308.	Busca mata grandi pa bo sombra abao :	Busca coneccion cu hende cu tin influencia , pa nan por yuda bo ora di necesidad.
309.	Mi a hincá mi den neishi' maribomba :	Mi ta den un problema grandi.
310.	Macacu sa ta cua palo e ta subi :	Tin hende sa ta cu ken nan ta mete.
311.	Loke bo man drechi haci , bo man robes no mester di sa :	Si bo haci un bondad na hende , bo no mester cana conta esey.
312.	Bo por bien bati man pa cielo :	Lubidá numa ; no steens mas.
313.	E tin man limpi :	E ta honesto.
314.	E ta tira piedra sconde man :	E ta ple inocente ; e ta busca trobbel.
315.	Nan ta man riba barica di otro :	Nan ta tapa pa otro ; nan ta protehé otro ; nan ta hopi será cu otro.
316.	Dos man ta laba otro y tur dos ta keda limpi :	Dos hende ta yuda otro y e trabao ta logra mihor.
317.	Su man ta los ; su man tin buraco :	E ta distribí placa ; e no tin control pa gasta placa.
318.	Mi a habri man pe :	Mi a lage pa su cuenta.
319.	Nan a susha su man :	E ta corupto ; nan a pagué pa haci un trabao sushi.
320.	Mi no ta tene man cuné :	Mi no tin amistad cuné.
321.	El a laba man pa e asunto :	El a dal afó ;el a laga e asunto para .
322.	El a laba man manera Poncio Pilato :	El a prentendé di ta inocente.
323.	Nan a bay laba man :	Nan a bay dal un bitter despues di entiero.
324.	Bo parce Mon :	Bo ta gusta tur cos cu ta lombra.
325.	Mundo tin hopi buelta :	Hopi cos por pasa ainda ; bo no sa nunca; cos por cambia.
326.	Macaco a bisti seda, macaco eta keda :	Paña no ta hende.
327.	Den tempo di guera no tin misa :	Circunstancia por haci cu mester bay contra ley o contra custumber.
328.	Ni musca n' bula :	No a duna publicidad ; no tabata tin ningun reaccion.
329.	El a tuma placa bao mesa :	El a tuma placa pa un trabao sushi.
330.	E ta pilar di misa :	E ta bay misa hopi.
331.	Macaco ta hunga cu su yui te ora e saca su wowo :	Bo ta busca peligro te ora cu bo causa un desgracia.
332.	Ta un biaha so awa ta muha macaco :	Ta un biaha so bo ta tuma mi haci sokete.
333.	E tin mala maña :	E ta ladron.
334.	No duna mundo gusto :	No duna chens pa criticá; no mustra bo sintimento o bo duele pa nan hari bo ; laga nan keda cu gana.
335.	Mundo no a caba :	Carga pasenshi ; no desesperá.
336.	Mucho malo no ta morto :	No perde speranza.
337.	Parce cu bo ta fo'i mundo :	Bo no sa di nada ; bo no ta mustra interes den nada ; bo ta leu.
338.	Morto ta parti palabra :	Ora morto cay ya no por tin venganza.
339.	Mundo a caba ; mundo a bin abao :	El a bira razu, no tabata tin mester di mas.
Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto
comienzo