Proverbio cu letra
Scirbí pa: Digna Laclé
Na honor di mi Mama

nr.	palabra	nificacion
353.	Si palo berde a sufi , kiko lo ta di palo seco :	Si esun cu ta mas yegá na dje e ta trata asina , kiko lo ta di otro.
354.	A cay un palo di awa :	Awa a cay masha hopi.
355.	El a dal mi un bon palo :	El a fregá mi bon fregá.
356.	Mi no ta parti un pan (bolchi ) cuné :	Mi no ta sali cuné , mi no ta uni cuné.
357.	Awe bo ta come pan cu diabel a mansa :	Awe bo ta sa ta ken mi ta ; awe lo bo no scapa na mi man.
358.	E ta cargue den pañal :	E ta loco cuné ; e ta traté masha bon
359.	Mi no a lanta su palabra :	Mi no a reaccioná.
360.	Pia pa ki mi tin bo :	Mi a core bay den purá.
361.	E no ta ni pia sushi di su ruman :	Su ruman ta mihó cuné ; bo no por comparé cu su ruman.
362.	El a trapa su pia :	El a ofendé.
363.	E tin mi na pecho :	E ta preocupá pa mi ; e kiér mi bon .
364.	Pampuna no ta pari calbas :	E ta tira pa su famia ; no spera otro cos di djé
365.	Pasenshi ta gana gloria :	Cu pasenshi bo ta logra.
366.	Ora bo tin mala suerte papel muhá ta bula cortá bo :	Tur cos malo ta pasa bo.
367.	Saca un hende su papel 'i bieu :	Coba den un hende su pasado y saca cosnan na cla.
368.	Saca su paña sushi na caya :	Publicá cosnan di djé cu mester ta secreto.
369.	Parce cu ratón a come su papel'i bieu :	Parce cu e só no tin pasado ; e só ta di famia netji aparentemente.
370.	E ta fini ni papel :	E ta pretendé di ta mas netji cu ningun hende.
371.	El a tira un pará :	El a riska algo , sea gana o perde.
372.	Bo por a scirbié ariba pida papel :	Bo a brongosá mi den hende.
373.	Papel ta carga tur cos :	Ta facil criticá hende via prensa : prensa no tur ora ta obhetivo.
374.	E pildo ey mi no ta guli :	Mi no ta kere esey ; ami e no ta gaña.
375.	E ta haci un pieu bira un baca:	E ta exagerá ; e ta haci e cos mas grandi cu e ta.
376.	No tin pieu mordé bo mas duro cu esun di bo cabez :	Ta bo mes hendenan por causá bo mas dolor.
377.	Piscá grandi ta come piscá chikito :	Esun cu tin poder semper ta sali ganá ; abuso di poder.
378.	Piscá ta muri pa su boca :	E ta cay pa su boca.
379.	E ta pisca mi boca :	E kiér saca informacion for di mi.
380.	No tumá mi haci pinda :	No tumá mi haci sokete.
381.	El a bula pipa :	El a core pa su responsabilidad.
382.	Primintí ta debe :	Si bo no cumpli cu un promesa , bo ta keda den debe .
383.	Nan a plumé :	Nan a horté ; nan a lagué bashí.
384.	Cria perla pa porco :	Haya mal danki pa bo trabao ; tur bo trabao ta pornada ; mal danki di un yui .
385.	Porco sushi ta busca muraya limpi pa frega su lomba :	Un hende di mal reputacion cu ta busca bon nomber di otro pa daña .
386.	Di pushi si , di miau no :	Loke ta cumbiní bo so ta bon .
387.	Biba manera pushi cu cachó :	Biba continuamente den pleito cu otro .
388.	Pushi chikito tambe ta nister :	No papia tur cos dilanti di mucha , nan ta scucha.	comienzo
389.	E ta papia manera hende cu a come prikichi :	Papia hopi.
390.	Mi ta sintí mi manera un puta den misa :	Nervioso ; fuera di mi ambiente.
391.	E ta parti diabel na cuatro :	E ta puteá.
392.	E ta parce su tata manera dos pipita di boonchi :	Nan ta parce otro masha hopi.
393.	Ta na boca di fornu pan ta kima :	Ainda algo por bai malo , sea alerta.
394.	Tur puíto a sali for di macuto	Tur secreto a sali na cla .
395.	E parce un puíto di shete placa :	E ta hopi flaco ; e ta pashumá ; e no tin curpa.
396.	Mahos manera picá mortal :	Mashá mahos .
397.	E ta gusta piki pieu :	E ta gusta maha ; busca falta den cos sin importancia.
398.	El a plama paña :	El a core bay ; el a disparcé.
399.	E ta cana piki abao :	E ta bashí ; e no tin pa unda .
400.	Midi bo palabra :	Wak bon ta cu kende bo ta papia ; pone tino riba loke bo ta papia.
401.	Tur piscá tin weso , pero macabí ta carga fama :	Ta riba djé tur cos ta cay ; ta e só ta haya culpa.
402.	Nan a mandé bai tota pinda :	El a perde ; el a keda eliminá den deporte.
403.	Un pahra fo'i trey awa :	Un stranhero cu ningun hende sa ken e ta.
404.	Mi no sa ki pato a brui é :	Mi no sa ken e ta (negativo).
405.	Awe mi a lanta pader , yui y spirito santo :	Awe mi ta bashí ; no tin nada di come den cas.
406.	E ta un pan di Dios :	Mashá bon hende.
407.	Anochi tur pushi ta preto :	Anochi bo no ta distingui cos .
408.	E ta mahos manera pushi bao piédra :	E ta mashá mahos.
409.	E parce pushi cu ta lembe smeer :	E tin un aspecto sushi.
410.	Nan ta bai manera pan cayente :	Nan ta cumpra na ; ciérto articulonan mashá lihé.
411.	El a perde ariba :	El a drumi pasa ora ; e ta laat .
412.	Mi 'n perde pa gana :	Mi no a warda mucho ; mesora mi a drenta den accion.
413.	Piki punta :	Haci bishita na ocasion si promé S. Comunion ; bay di un fiésta pa otro.
Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto			comienzo