Proverbio cu letra &
Scirbí pa: Digna Laclé
Na honor di mi Mama

nr.	palabra	nificacion
476.	Mi no ta mucho van de best :	Mi no ta sinti mucho bon.
477.	E ta skirbi riba vlur :	E ta balia masha bon mes.
Proverbio cu letra
478.	Esaki ta mi colocolo di wea :	Mi yui di mas chikito.
479.	No tin wea pa cushiná mal yui :	Un mama nunca lo condená su yui , pa malo cu e yui por haci.
480.	Yui sin mama ta cuminda di warawara :	Yui sin mama ta pasa hopi trabao.
481.	E ta mi preto di wowo :	Mi ta stimé masha hopi.
482.	Bo wowo ta grandi :	Bo ta golos gusta cos na hopi.
483.	E ta manera un sumpiña den mi wowo:	E ta duna mi mal tempo ; e ta molestiá mi .
484.	El a cortá mi un wowo : El a trocé mi un wowo :	El a wak mi rabiá.
485.	Bo ta manera webo putrí :	Bo ta rabia lihé ; no por mishi cu bo .
486.	Mi no ta haci wega :	Mi no ta chanza.
487.	E ta manera weerlicht :	E ta mashá lihé.
488.	Cachó a nenga weso , weso mes e ta come :	Nenga un cuminda y comé despues tog ; menospreciá algo y acepté .
489.	E no ta haci weso bieu :	E no ta keda hopi tempo, por ehemplo na trabao.
490.	El a pasá mi un waya :	El a duná mi un noticia cayente.
491.	Su weso ta blau :	E ta floho ; e no ta gusta traha.
492.	E ta cuero cu weso :	E ta mashá flaco.
493.	Mi wowo a bira :	Mi a perde caminda ; mi no por a orientá mi mas .
494.	Su wowo nan pará den su cabez :	El a spanta mashá hopi.
Texto: © Digna Laclé-Herrera Derechonan reservá: Digna Laclé-Herera Danki N.Hoevertsz cu a typ e texto