expresion3

nr.	palabra	nificacion	Frase
49.	Mula spoor :	Tene relacion sexual, busca muher;	De bez en cuando e ta bay mula spoor banda di San Nicolas.
50.	Costa un wowo :	Costoso;	E estudio di nan yiu a costa nan un wowo.
51.	Mustra dede :	Acusá;	No mustra dede , asina mes cu bo por tin prueba.
52.	Trapa pia :	Ofendé;	Nan a trapa su pia , pesey e no ta bay aya banda mas.
53.	Subi lomba :	Molestia un hende;	E promé chens cu nan a haya nan a subi su lomba.
54.	Saca cara :	Haci un bon trabao;	E deportistanan a saca cara pa nan pais.
55.	Sinta cabez :	Bira serio;	Awor el a sinta cabez y ta dedicá tur su tempo na estudio.
56.	Bira lomba :	No tin nada di haci cuné;	Su rumannan tur a bira lomba pé y esey ta duel é.
57.	Baha scama:	Poné na su lugar;	Di tur hende e ta abusá , pero ami si a baha su scama.
58.	Keinta cabez :	Yena cabez cu co'i loco;	Mi no sa ken a keinta su cabez pa e bay Hulanda, até ke bin awor.
59.	Cay den bashí :	No Logra;	E tabata sigur cu e lo a haya e trabow, pero el a cay den bashí, otro tabata promé.
60.	Hila fini :	Trata cu tino;	Mester hila fini cuné , no ta tur ora e tin bon beis.
61.	Cohe curpa :	El a siña su les;	Di dia cu nan a seré pa buracheria el a cohe curpa.
62.	Saca curpa :	Core pa responsabilidad;	Ki ora cu bay buské e ta saca curpa pa evitá cu ta e mester haci e trabao.
63.	Hole palo :	Sa, sabi;	Si e por a hole palo, lo e no a bin , awor tur gasto a keda pé.
64.	Tira puña :	Insultá un hende indirectamente insinuá;	Tira puña ta cos di hende cobarde.
65.	Dobla warda :	Lubida!
66.	Bisti cachó:	Ser infiel den matrimonio.
67.	Los carson :	Bay af;	Doló a dale, cu ey den mondi mes e mester a los carson.
68.	Cera cabez :	Bini hunto y tuma decision;	E bisiñanan a cera cabez pa gara e ladron.
69.	Bati bleki :	Haci redo;	Hobby ta cana bati bleki , cuenta di tur hende e sa.
70.	Pasa un bleki :	Duna un noticia;	Nan a pasa mi un bleki cu su yui a bay for cas.
71.	Pasa un waya :	Conta un redo;	E waya cu el a a pasa mi ta algo cu mi no por kere.
72.	Perde stribo :	Perde control;	Parce cu el a perde stribo y a cuminza ta insultá tur hende dene sala.
Texto: © Digna Laclé-Herrera (Aruba 1993) Derechonan reservá: Digna Laclé-Herera Danki na N.Hoevertsz cu a typ e texto				Bek	Pa mas expresion
				comienzo