expresion4

nr.	palabra	nificacion	Frase
73.	Susha man :	Paga pa soborno; ricibi placa pa soborno;	El a susha man di e ambtenaar. El a laga nan susha su man pa el a otorgá e permiso.
74.	Susha cabez :	Pone hende cria idea;	placa y posicion ta susha cabez di hopi hende yena un hende su cabez cu co'i loco ; nan a susha su cabez hacié kere cu e ta un actor, pero e ta leu di ta.
75.	Baha man :	Haci menos, gasta menos;	Mester baha nan cu uso di coriente , e cuenta ta bin mucho halto!
76.	Kita pone :	Bisti hopi;	E mucha muher ey mester ta gana bon cen e ta kita pone.
77.	Baha cabez :	Admiti bo error;	E mestr a baha cabez ora cu prensa a bin cu prueba.
78.	Lanta cabez :	Sali for di problema;	E no por a lantacabez mas despues cu el a bay bankrut.
79.	Bash abao :	No por a sigi nenga mas;	Bao presion die preguntanan di polis el a basha abao.
80.	Perde ariba :	Lanta laat;	Mi no a yega na tempo pasobra mi a perde ariba.
81.	Habri candela :	Cuminza un atake;	Apenas mi a drenta cu el a habri candela ariba mi keriendo cu ta ami a bay kehé.
82.	Cende e mecha :	Start e pleito;	Nan tabata tin un desunion, pero su ruman a cende e mecha cu a causa cu nan a suta otro formal.
83.	Bisa un bisa dos :	Pa bisa berdad;	Bisa un bisa dos , e gay ey ta tribi si , mi ta admirá su brio.
84.	Fula tera :	Purba ,orientá bo mes;	E tabata fula tera pero mucho e no a logra.
85.	Kima un tempel :	Causa problema grandi;	E mucha muher ey ta kima un tempel y e mes ta laba man.
86.	Mata un kabricuchi	Tene relacion sexual;	El a bay mata un kabricuchi por ai, bo no ta miré mas pa awe.
87.	Haya palo :	Hiba perdidá;	E organisadornan a haya palo cu e ultimo show ey.
88.	Traha un scol :	Traha un trampa;	Inocentemente el a cay den un scol cu nan a traha pa nan a bahé.
89.	Bira cashaca :	Cambia di opinion, di partida;	Nan di cu awor el a bira cashaca , e no ta cu nos mas.
90.	Pone pia 'bao :	Exigi;	Su tata a pone pia 'bao y el a hayé obligá di bay studia.
91.	Core pia 'bao :	Na abundancia y barata;	E shirtnan ta core pia'bao den tur color y tur tamaño.
92.	Saca bo som :	Saca bo conclusion;	Despues di tur loke bo a tende,bo por bien saca bo som y dicidi.
93.	Hala palo abou :	Yega na final di cuenta;	Ora cu a hala palo abou a resultá cu no tabata tin nada di berdad.
94.	Cera un buraco :	Paga un debe;	Ta bon mi a gana pida briyechi, pa mi a cera un buraco.
95.	Canta lichi :	Papia bruha, manera un homber burachi;	Wan a bin burachi y a canta lichi henter anochi.
96.	Come weso :	Pasa hamber;	E mester ta come weso , pasobra su paña ta waya na su curpa
Texto: © Digna Laclé-Herrera (Aruba 1993) Derechonan reservá: Digna Laclé-Herera Danki na N.Hoevertsz cu a typ e texto				Bek	Pa mas expresion
				comienzo