expresion5

nr.	palabra	nificacion	Frase
97.	Corta caminda :	Coy otro direccion pa bo no topa cu un persona;	Mi no sa kiko a pasa , pero ki ora cu e weita mi e ta corta caminda.
98.	Midi caya :	Cana sin destino;	Tur dia e ta midi caya , enbez di busca un trabao.
100.	Saca su maca :	Reda un persona;	E ta kere cu nan ta amigo , pero ta e mes a saca su maca.
101.	Laga rabo bay :	Hiba un bida contrario di un bida discipliná;	Despues cu nan tata a muri nan a laga rabo bay.
102.	Biba bo fé :	Ánimo! Laga tur preocupacion sali for di bo apatia.	Mihor bo biba bo fé sino bo situacion ta bira peor.
103.	Hiza rabo bay :.	Bay sin wak atras;	El a hiza rabo bay laga blo debe pa su familia.
104.	Scupi candela :	Furioso;	E homber a sali ta scupi candela ora cu el a tende kiko a pasa.
105.	Bay bela yen ;	Bay yen brio o furia;	Su amigo a bin bela yen pa regla cuenta cuné.
106.	Tene man :	Anda cu, tene amistad ;	E tin hopi edea , ni cu su coleganan e no ta tene man.
107.	Tene curpa :	Cuida.	Mucha muher ey ta slons, e no ta tene su curpa.
108.	Tene na rabo :	Tin amistad cu un hende pa saca probecho;	Atele keto bay ta tene na rabo di su amigo.
109.	Laga na caya :	Bandona un hende o defraudá un hende;	Ora cu el a pensa cu nan lo a yudé nan tur a lagué na caya.
110.	Laga cay ! :	Disparcé, bay for dimi bista;	Mihor bo laga cay , promé cu mi yama polis pa bo.
Texto: © Digna Laclé-Herrera (Aruba 1993) Derechonan reservá: Digna Laclé-Herera Danki na N.Hoevertsz cu a typ e texto				Bek
				comienzo