|
- Deta, bo a comprendé ta kiko juffrou kier a meen cu e ambiente
di Pascu ? Abo semper ta mas inteligente cu nos, bo por duna nos un idea.
Juffrou a papia di e berdadero ambiente y no un cos artificial. Lichi,
mi kier sa cu abo tampoco a "catch" e mucho bon, n' ta 'sina
?
- Wel, Ia bo tin razon ! Mi tampoco a comprendé juffrou bon, pero
laga Deta bisa nos kiko e ta pensa.
la, Lichi y Deta ta camna menera semper conbersando mashá animá
caminda pa eas. Tur ora bay nan ta hunto. Den nan bario tur hende conocénan
como e "trio". Nan tur tres ta na huishoudschool. Deta ta esun
mas spierto den nan tres. Su amiganan ta gusta pidié conseho.
- Deta, parce cu awe bo no tin contesta pa nos. Ta dicon bá keda
ketu asina?
- Ta pasobra mi kier a pensa un poco mas riba loke juffrou a conta nos.
Pero laga mi bisa boso kiko mi ta saca for di e charla di juffrou. Simplemente
e kier meen cu tur e adornonan di Pascu manera kerstboom, lusnan di color,
showcasenan cu paisahe di sneu, guirlandas, canticanan di Pascu na radio,
enfin tur e cosnan aki ta trece enberdad un ambiente di Pascu, pero un
ambiente artificial. E berdadero ambiente mester sali for di paden di
nos mes. Na curazon mester sinti e ambiente y loke ta mas, tramitié
pa otro. Pascu ta amor, paz, armonía y amistad. Pero tur esaki
mester keda demostrá den bo accionan. Di e manera aki Cristo ta
renobá su nacimiento den bo.
- Holó Deta, ta di unda bo ta saca tanto sabiduría ?
- Nada di sabiduría, Lichi. Ta tur loke juffrou kier a splica boso,
pero parce cu boso no a "catch" e.
- Pa mi ta "eerlijk" Deta, mi tabata pensa riba mi shimis di
Pascu cu mi tin di bay corta awe nochi. Den mi cabez mi tabata "bezig"
c'un patronchi.
- Mi por mira cu bo ta nací pa modista. Y abo la, sigur tabata
pensa riba e receta di bolo cu nos a caba di purba den "kookles".
- Bo tin razon Deta, bo mes sa cu mi no tin sosiego promé cu mi
bolbe purbé na cas. Pero manera bo ta splica nos, enberdad Pascu
di nacemento mester ta un fiesta apart. No manera tur otro fiesta. E mester
ta un expresion di amor, cu ta laga un recuerdo agradabel den nos curazon.
Por ehempel nos tres por trata na haci algo special pa haci nos fiesta
di Pascu e aña aki algo cu un semtimento berdadero. Ki bo di, Deta
?
- Si abo cu Lichi ta di acuerdo nos por traha un plan. Por ehempel laga
nos pensa kende den nos bario nos por duna un sorpresa cu asina e tambe
por pasa un Pascu feliz. Bon, mi a yega cas. Atardi nos ta topa na ora
di costumber y nos lo sigui conbersá. Awe ta na bo cas nos ta train,
no la ? Bo a haya e disconan di aguinaldos caba ?
- Si, anto tin algun bunita mes. Te 'woro anto. Lichi cu Ia a sigui nan
camina.
Atardi e amiganan a reuiní na cas di la.
- Deta, bo n' ta haya cu nos mester sigui cu nos plan promé cu
nos canticanan ? Di pursi nos "gaiteronan" no a yega ainda.
"T'un bon idea, la. Kiko bo tin pensá ? Y ta kende bo a scohe
pa nos bay duna un sorpresa di Pascu?
- Kiko boso ta pensa di Chanita. E pober tin di pasa só e aña
aki. Su yiu homber ta será y t'e tabata mantené cas. Chanita
ta sintié masha tristo y só. Esey ta e mes tabata conta
mama siman pasá.
- Bueno, Chanita anto. Y kiko asina nos por haci? Lichi, bo a pensa algo
caba ?
|
-
Mi plan ta esaki. Ya cu Chanita lo no tin placa pa cumpra algo extra pa
pasa su dianan di Pascu, nos por pasa un colect cerca bisiñanan y
cumpra cu e placa comestibles, cos dushi, un caha di refesco, un botter
di biña o di ponche crema p'e tambe un bolo, algun kuki, enfin esey
ta mi plan.
Y abo mes Deta, ki bo ta pensa ?
- Mi plan ta : ban duna Chanita su cas un bon limpieza, ya cu Buchi no t'ey
pa yudé e aña aki. Nos ta laba su cortinanan, nos ta polish
tur cos limpi limpi. Tambe nos ta dorna su cas cu un pesebre cu mi ta bay
traha di papel mashé. Boso ta corda cu aña pasá mi
a traha uno cu a gana promé premio na e exhibicion cu tabatatin na
centro di bario ? Wel den tres dia mi por traha un mas grandi y mas bunita
pa Chanita. Lichi, bo por yuda mi verfe. Bo tin masha smaak pa color. Tambe
nos por cumpra algun bela bunita pa Chanita cende den anochi di Pascu. Ia,
con bo ta haya e plan. Bo ta di acuerdo pa traha e bolo ?
- Ta claro cu si. Pa Chanita lo mi traha algo special. Tambe lo mi traha
algun kuki cu forma di kerstboom, angel, strea etc. Mi a caba di weita e
receta den vanidades. Asina e por hiba algun pa Buchi tambe.
- Wel muchanan, man na obra mañan. Promé nos ta wak kiko nos
mes tin den spaarpot. Djey cada un ta cuminzá cu colect na cas, despues
cerca famiya y bisiña. Mi ta sigur cu nos plan ta un éxito.
Y awor nos aguinaldos, mi ta tende e furuco caba. He, ta manera cu mi no
por warda te otro siman cu ta Pascu. Boso tambe no ta sinti boso un sorto
di contento y feliz ? Algo great !
- Deta bo sa, mi ke sa cu awor mi sa kiko juffrou kier a meen cu e ambiente
berdadero di Pascu. Mi tambe ta sinti un gran legria, algo diferente. Ia,
bo tambe ?
- Boso lo no keremi, pero mi ta mira e Pascu aki como algo maraviyoso. Den
mi imahinasion mi ta mira Chatita su cara feliz. Ahn, y un cos mi a lubidá.
Corda cu dia di Pascu mes, nos ta bay sinta poco cerca Chanita. Mi ta hiba
e tape-recorder pa nos pone cantica di Pascu pa e scucha. Di acuerdo ?
- Naturalmente. Claro !
- Un rato atras e trio acompañá pa e gaiteronan ta yena cas
cu nan coz bunita. Den nan cantica por a scucha e berdadero ambiente di
Pascu. amor, paz y alegria. |
