|
Narador:
Nataniel, Levi y Dani tabata drumi cerca di nan rebaño di carné.
E anochi tabata frio, pero e cielo tabata clá y yen di strea. Diripiente
a aparecé un luz straño den e firmamento y un cantica mashá
bunita a resoná.
E
tres amigonan a bula lanta y tabata pruntra otro ta kiko tabata pasando.
Mas aleu nan por a mira e otro wardadornan tambe tabata move y ta wak
na laira. Ora pa ora e canto bunita tabata haya mas forza. Den esey nan
por a scucha e siguiente mensahe:
Wardadornan
scucha: Awe noci mundo a haya e regalo mas precioso duná na humanidad.
Awe a nace e Mesias, e Salbador primintí. Aki cerca boso lo hayé
hunto cu su Mama. Den paña lorá. E strea di Pascu lo guia
boso.
Nataniel:
Levi, Dani, boso a scucha esey? E mesias a nace. Aki cerca mes nos por
encontre. Kiko nos ta warda? Ban, ban buské.
Levi:
Pero Natan, nos no por bay man bashi. Maske ta un regalito nos mester
por hiba pa e Niño. Hei Dani, bo tambe nota pensa asina?
Dani:
Levi bo tin razon. Maske e Niño ta hopi chikito toch nos por hiba
algo pa mustra nos cariño. Pero si nos ban man bashi nos ta mes
bonbiní.
Nataniel:
Bon amigonan, laga nos pensa riba un regalito cu lo pa pas pa e Niño.
Kiko boso ta pensa di un canica di lechi?
|
Levi:
No ta mal idea. Un bebi mester di lechi, pero djis e lechi ta caba. Laga
nos hiba algo otro.
Dani:
Ami tin un idea pero ta nos tur tres mester ta di acuerdo. Ta trata di
e lamchi Meki, nos lamchi faborito. Lo e ta un compañero pa e Niño.
Kiko boso ta pensa?
Natanie:
Mi ta haña e idea hopi bon. Mi ta stima Meki mescos cu boso, pero
pa e Niño mi ta haña esey un regalo bunita. E Niño
lo stimé mescos cu nos.
Levi:
Di mi parti tambe mi ta haña e regalo ey sublime. Nos lo haña
poco falta di Meki, pero e Niño lo haña un compañero
pa e por hunga cuné. Ban anto, ban adorá e Niño Salbador
y ofrecé nos regalo.
Narador:
E tres amigonan ta bay saca nan lamchi faborito for di den e rebaño.
DAni ta cague den su brazanan y hunto e tres amigonan ta sigui e otro
wardadornan cu ya a cohe caminda pa e stal. Aya nan a ofrecé nan
regalo cu un curazon yen di legria.
|
