Esaki lo ta e ultimo storia di Scheherazade pa e salba su bida...?

Mansur tabata un mago. E tabata biba na Africa.Den un di su bukinan el a lesa di un lampi mágico cu ta bata scondí den un buraco den tera na China. El a sali pa China pa bai buské.

Aladin y su mama tabata biba na China. Nan tabata masha pober y tabata biba den un caurtucho.

Hopi bez nan no tabata ni pida pan pa come. Un dia e mama di Aladin a bisé, bai piki poko flor den cunucu. Nos lo bende e flornan pa haya algun cen pa cumpra cuminda.

Aladin a bai piki algun di e flornan net na e lugar caminda cu e lampi tabata scondí de e buraco, e buraco tabatin un tapadera mashá pisá. E tapadera tabata cubri cu yerba di manera cu ningun hende por a yega na sa cu ey bao tabatin un buraco.

Pero e mago si tabata sa na unda e mester a busca, e Mago a lanta e tapadera y po a mira den un buraco.

Den esey el a mira Aladin kende tabata piki flor. El a yama Aladin.

Hobencito, bin aki.. !
Con ta bo nomber ?
Aladin, señor.
Mi ke pa bo haci algo pa mi Aladin.
Kiko asina señor... !

Aya bao den e buraco ey tin un lampi. Mi no por baha ey bao pasobra mi no por drenta den e buraco. Mi ke pa abo baha y trece e lampi pa mi.

Despues e Mago a duna Aladin un renchi y a bisé : "Ey bao ta peligroso.."!

Bo por topa cu un genio cu lo trata di matabo.Tuma e renchi aki cu lo cuidabo di tur malo.

Aladin a tuma e renchi y despues a baha den e buraco. Ora el a yega abao el a mira un kamber chikito. Riba un mesa el a weita e lampi. El a cohé y a subi bek. Pero e buraco tapata tapá .

El a yama e Mago kende a habri e tapa djis un tiki, bisando : " Dunami e lampi Aladin..... !"

Aladin a pensa mi no ta gusta e tipo aki. Si mi duné e lampi e ta dal e buraco sera y lagami muri aki bao.

Ta pesey e di cu e Mago: " Lanta e tapadera pa mi sali. E ora ey mi ta duna bo e lampi ".

No dunami e lampi awor. Despues mi ta lanta e tapadera pa bo sali.....
No.... ! Ora bo lagami sali mi ta dunabo e lampi.

E mago a pensa....
Miho mi laga Aladin pasa anochi ey bao y mañan lo e haci loke mi pidié. El a tapa e buraco y a laga Aladin será ey bao.

Aladin a bolbe den e kamber . E tabata tin miedo y a bisa: " E mago a laga mi aki bao pa mi muri... ". Con mi ta haci sali....?

Mi mama no sa ta na unda mi a keda. Segur lo e pensa cu mi a muri. Si mi sali lo mi regalé e renchi bunita aki. Nos lo por bendé pa haya placa pa cumpra cuminda. Tambe nos lo por bende e lampi bieu aki.

Aladin a cuminza polish e renchi. Den esey el a tende hopi boroto y un genio a aparece su dilanti. El a bisa: "Mi ta e genio di e renchi...."


Bo a polish e renchi y mi a presentá . Kiko bo ta deseá...?
Mi kier sali for di e lugar aki. Hibami cerca mi mama. E Genio a cohé den su braza y un rato atras el a pone Aladin dilanti porta di su cas.

Ta unda bo tabata mi yiu.... ?
Pakiko bo no a trece e flor nan....?

Ta kiko nos lo come...... ? Mi no tin nada di come den cas y nos no tin placa pa cumpra tampoco. E mama a bisa.

Aladin a mustra su mama e lampi y a bisé: " Nos por bende esaki ". Cu e placa nos por cumpra cuminda. Nos lo no bai haña mucho cen pa e lampi bieu y sushi ey.

Pero si mi hacié limpi podiser nos lo por haña mas cen pé. Aladin a cuminza frega e lampi y atami aki. Kiko boso ta deseá..? E Genio a bisa. Nos ke cuminda.

E Genio a pone un mesa yen cuminda nan dilanti. Nan por a come pa tres dia. Asina hopi e tabata. E mama a bisa laga nos come y warda e resto pa mañan.

Poco dia despues Aladin tabata keiro den caya y a mira Princesa Badrul pasa. E tabata masha bunita. Despues di e dia ey Aladin a mira e princesa cada bez cu e tabata bai den caya.

Un dia el a bai cas y a a cohe e lampi den su man y a cuminza frequé. E Genio a presentá su dilanti y a puntra !
Kiko mi señor tabata deseá ?

Mi kier casa cu Princesa Badrul. Mi kier un cas bunita, paña bunita y hopi placa.
Hacimi e homber di mas rico di mundo. E genio a haci tur esaki.

Aladin a bai despues cerca e Rey y a bisé cu e ta e homber di mas rico den e país. E tabata desea di casa cu Princesa Badrul.

Ora cu e Princesa a weita Aladin y a combersá cuné el a gusté mesora.
Y mas e miré, mas e gusté.

Despues e Princesa a bai cerca su tata y a bisé: "Mi kier casa cu Aladin. Mi ta kere cu nos lo bira feliz."

Y asina a sosode cu Aladin a casa cu e Princesa y nan a bai biba den e cas grandi esun di mas bunita den henter e pueblo …

Sigi numa Scheherazade mi kier tende con e storia ta caba...........

Sigur cos no a sigui asina bon y lo bo tin hopi mas pa conta.

Pero solo ta saliendo…………

Sigui numa te ora e storia caba.

E Mago cu a lubida ariba Aladin a bolbe y un dia un amigo di dje for di China a bin bishité.

Contami kiko di nobo tin aya band 'i China. Wel un hoben yamá Aladin a casa cu Princesa Badrul. Nan ta biba den e cas di mas luhoso y e ta masha rico.

Aladin ? Aladin…… !
Pero su mañan cu mi a bolbe bai na e buraco mi no a hayé.
Mi a yamé, pero e no a contestá. Pesey mi a kere cu el a muri. Ma e ta na bida ainda.

El a sali for di e buraco y e tin e lampi... !

Ta e Genio di e lampi a hacié rico. Mi mester bai China pa kita e lampi for di djé.

Asina ta cu e Mago a bai China . El a cumpra algun lampi nobo cu tabata di e mes un modelo cu e lampi mágico. El a warda ora cu Aladin a sali for di su cas y el a bai bati na porta.

E Princesa a sali y e Mago a bisé: " Mi ta cambia lampi nobo pa bieu ". Dunami tur bo lampi nan bieu y mi ta dunabo nobo na nan lugar. Nos no tin lampi bieu. E cas ta nobo y tur e lampi nan aki den tambe ta nobo.

Boso no tin lampi bieu... ?
Aha, si awor mi ta corda, Aladin tin un lampi bieu mi ta bai trecé pa bo.

Ora cu el a duna e Mago e lampi esaki a fregué y e Genio a aparece.

Bo a frega e lampi y ata mi aki. Kiko mi señor ta desea ?

Transporta e cas aki cu tur hende y tur cos cu tin aden pa Africa.... !

Ora cu Aladin a bolbe, ni holo di cas !
Ta e marca so a keda. Ni cas ni Princesa......

Kiko mi mester haci awor ? Awor mi ta corda.
Podisé e Genio di e renchi por yudámi.

El a polish e renchi y e Genio a presentá.

Kiko mi señor ta deseá.....?
Un hende a horta mi lampi y a pidi e Genio di e lampi pa hiba mi cas y mi esposa.

Na unda mi cas por ta...... ?
Na unda Princesa Badrul por ta ....?

E cas ta na un lugar na Afica y e Princesa tambe.
Trecenan bek pa mi.... ! Mi no por haci esey.
E Genio di e lampi ta un Genio mas poderoso cu mi. Anto transportami pa e lugar na unda e cas ta.

E Genio a hiba Aladin Africa, aya el a weita e cas. El a warda te ora e Mago a sali pa despues e drenta su cas.

Aladin mi tabata sa cu lo bo hayami y salbami.
Kiko nos ta haci awor ?
Na unda e lampi ta ? Nos mester hayé.

E Mago semper ta cana cuné di dia y anochi. Tuma e poeiro aki Badrul tiré den e Mago su cuminda, ora cu e come e ta bai den un soño profundo. Mientras tanto Aladin a bai sconde.

Ora cu e Mago a bolbe e Princesa a duné su cuminda. El a come y berdad el a cai den un soño profundo. E ora ey Aladin a bin y a cohe e lampi.

El a fregué y e Genio a presentá y a bisa:
" Kiko mi señor ta deseá ? "
Hiba e cas aki bek China... !
Y e Genio a haci tur e saki.

E Rey a bira contento ora cu el a mira e Princesa y Aladin atrobe. Despues di morto di shon Rey, Aladin a bira Rey y esaki ta final di e storia Sultan.

Pero bo sa mas storia.... ?
Si mi sa mil y un storia mas………….
Pero ta nuebe so bo a contami, e Sultan a contestá.
Asina ta cu bo falta nuebe ciento y nobenta y dos mas pa conta.

Mi sa mas cu esey tambe, pasobra segun cu mi ta conta mi ta corda e otronan. Lo mi por contá bo un storia tur a anochi te dia cu abo muri........

Wel keda cerca mi anto y tur anochi lo bo contami un storia....

Asina ta cu contando storia pa e Sultan Scheherazade a logra di salba su bida.

Esaki ta tambe e final di e coleccion fantástico di e storianan atrobe di origen Pérsico di siglo XIV.

Un version di Mil y un anochi.