|
Tempo cu Kalif Harun Al Rashid tabata na bida , tabata biba
na Bagdad un homber yamá Ali Cogia. E no tabata casá
y no tabata tin yiu. E tabatatin un tiendecita caminda cu e tabata
bende cos dushi y coi hunga pa mucha. E tabata stima mucha hopi. E
no tabata ni rico ni pober, pero si e tabata feliz pasobra e tabata
tin suficiente placa pa cumpli cu su necesidadnan.
El a spaar un mil moneda di oro pa ora cu e ta malo o mucho
bieu pa por traha , e ora ey tog e lo tin suficiente placa pa mantené
su mes.
Un dia mientras cu e tabata drumi el a tende un voz yamé
: "Bo ta un bon moslim.
Pakiko ainda bo no a biaha pa Mecca ? Tur bon Moslim cu tin suficiente
placa mester haci e biahe pa Mecca maske ta un solo bez den su bida."
|
Ora
Ali a lanta e dí : "Ta berdad, mi mester biaha pa Mecca...
? Pero mi no tin gana di laga mi cas y mi amigonan aki . Asina ta
cu lo mi haci bon obra y yuda e pobernan. Asina e voz lo no bin puntrámi
atrobe ta pakiko mi no a bai Mecca."
Pero e voz a bolbe un y mas bez y Ali Cogia porfin a dicidí
. Mi mester haci loke e voz ta manda mi.... ! Mi ta bai Mecca....
!
El
a laga un amigo biba den su cas pa cuidé. El a bende e tienda
y tur loké tabata tin den dje. Prome cu el a bai el a cumpra
algun cos pa e por a bende na caminda y na Mecca. El a pone tur ariba
su camel.
Ma kiko lo mi haci cu e mil monedanan di oro? Mi no por hiba
nan cu mi, na unda lo mi wardanan pa ora mi bolbe mi haña nan.......?
Laga mi pensa kiko mi por hasi. Aha , ya mi sa. Mi ta bai busca
un wea grandi cu nan sa usa pa warda olijfi anto mi ta pone e moneda
nan den bom di e wea y mi ta yené te ariba cu olijfi. Despues
mi ta tapé y bai pidi mi amigo Husein cu tin un tienda banda
di mi tienda pa warda e wea pa mi.
|
Asina
ta cu el a bai cerca Husein y el a bisé. Mi ruman mi ta bai
biaha pa Mecca.
Bo ke ta asina bon di warda e wea di olijfi aki pa mi, te dia
cu mi bolbe...?
Ta claro cu gusto lo mi haci esey.......
Tuma ata e yabi di mi tienda, hiba e wea di olijfi y bo mes
poné na unda cu bo ta deseá. Dia bo bolbe lo bo hañé
ne mesun lugar.
Un poco despues Ali Cogia a subi su camel, cargá cu
articulo pa bende na Mecca, pa cuminza cu su biahe .
Na Mecca Ali a bai bishitá e Moskée promé
y a haci su oracionnan. Despues el a sali pa bende su mercancía.
Dos homber a yega cerca dje y a keda weita e articulonan. Un di e
hombernan a bisa e otro: "E homber aki mester hiba e cosnan aki
Caíro. Aya lo e haña mucho mas placa pa nan.
"
Ali Cogia a scucha esaki . El a piki tur su cos nan y a bai Caíro.
Na Caíro el a bende tur cos mesora. Aya el a cumpra un cantidad
di articulo pa bai bende na Damasco. For di Damasco el a bai Aleppo.
El a cruza e riu y a bai Mosul.
|
