|
Aya el a topa cu algun hende di Persia y cu nan el a bai Persia
y despues India. Cinco aña a pasa desde cu el a laga Bagdad.
Durante tur e tempo ey Husein nunca a corda riba Ali Cogia of ariba
e wea di olijfi . Esaki tabata ainda den e tienda di Husein na e mesun
lugar caminda Ali Cogia a buté.
No.., no...! Esey no ta bon ! E por bolbe y descubrí
cu bo a habri su wea di olijfi. Podiser despues di tanto tempo nan
ta daña . Mi ta sinti cu Ali Cogia ta bolbe. Kiko lo e pensa
di bo si bo habri su wea di olijfi..... ? No hacié Husein !
Pero Husein a bai den e tienda tog y el a habri e wea di olijfi.
E olijfi nan mas ariba tabata daña y nan tabata hole malo.
El a saca nan pa mira si esnan mas abao tambe tabata dañá
y esey nan tambe tabata putrí.
E orea ey el a mira e placa. El a ripará cu henter e
bom di e wea tabata yená cu moneda nan di oro.
|
El
a bai bek y a bisa su señora : Bo tabata tin razon.... ! Tur
e olijfinan a daña.
Pero Husein den su mes a pensa :
''Ta con mi ta haci di keda cu tur e oro... ? Anto kiko lo pasa si
Ali Cogia mester bolbe.... ? Lo mi traha un bon plan........ !"
Husein a bai mercado y a cumpra un cantidad di olijfi fresco.
El a benta tur e olijfinan bieu afó.
El a saca e oro for di e wea y a scondé . Djei el a yena e
wea cu e olijfinan cu el a caba di cumpra ; despues el a sera e wea
mescos cu Ali Cogia a haci . El a poné bek na e mesun lugar
cu Ali Cogia a lagué.
Un luna despues Ali a bolbe Bagdad. Mesora el a bai cerca Husein
y a bisé:
"Mi amigo Husein, porfin mi a bolbe..., mi ta mashá contento
di weita bo. Bo mes sa mi tabata purá pa mi yega. Sea asina
bon di duna mi e wea di olijfi cu mi a laga bo warda pami."
Naturalmente !
Awor mi ta corda. Bo ta haña e wea na mesun lugar cu
bo a lagué siete aña pasá. Ali Cogia a cohe e
wea y a hibé den su camber, el a saca e olijfinan, pero e placa
no tabat'ey.... !
|
El a core bai bek cerca Husein sklamando: "Husein.....,
mi a pone un mil moneda di oro den e wea di olijfi, pero awor nan
no t'ey. Podisé abo tabatatin mester di e placa y den bo mes
bo a pensa dia cu Ali Cogia bolbe lo mi debolbé su placa...
!"
Lo bo firma un papel declarando:" Mi a fia e placa y lo
mi paga Ali tan pronto cu mi por."
Pero
Ali dia bo a trece e wea di olijfi mi no a mishi cu né mes.
Mi a entregá bo e yabi di mi tienda y abo mes a pone e wea
aden. Bo a hayé caminda cu bo a buté. Bo a bisa mi cu
ta olijfi tabatatin aden. Bo no a bisa nada di moneda di oro.........
Tabatatin moneda di oro aden... !!
Duna mi nan bek....... !
Bo a pone e wea di olijfi den mi tienda. Mi no a weita e olijfinan
nunca, despues di siete aña bo ta bin bisa mi cu ta no ta olijfi
ta tin aden sino moneda di oro..... ?
Pakiko bo no a bisa mi cu ta piedra precioso ta tin aden.....? Mi
ta kere cu no tabata tin ni olijfi ni oro ni nada den e wea.
Den e caso aki nos tin cu bai dilanti di Cadi.
|
