|
E Cadi conocé ley . E por bisa kiko ta bon y kiko ta
malo, kiko ta berdad y kiko ta mentira. E lo ordená bo duná
mi mi placa bek. Pues manera bo ke Ali nos lo bai mira ta ken di nos
tin razon.........
Asina ta cu nan a bai cerca e Cadi. Ora nan a yega aya esaki
a puntra Ali Cogia: "Tin hende cu a weita bo pone eoro den e
wea ....?" "No...., mi tabata mi só. Ningun
hende a mira mi....."
"Bo a conta bo esposa loke bo a
haci......? Señor mi no tin esposa.
Bo a conta cualkier otro hende loke cu bo a haci....?
Nó señor.....!"
Y abo Husein bo tabata sa algo di e oro.....? Nó, señor.
Ali a bisa mi cu e wea tabatatin olijfi aden y mi a keré.......
Bo a habri e wea Husein ...?
Nó..... , Ali a poné na un lugar den mi tienda
, pero mi no a mishi cu né.
Mi a lagué caminda cu el a poné....
|
Asina
ta cu no tin ningun hende pa asigurá cu tabatatin oro den e
wea.
Ali Cogia tabata furioso.......
El a dicidi di bai skirbi un carta pa e Kalif y duné
despues cu e bolbe di haci su oracionnan.
Su mañan Ali a duna un sirbidor di e Kalif e carta,
kende a entregá esaki den man di Kalif Harun Al Rashid.
Despues di a lesa e carta e Kalif a bisa: "Mi no sa kiko
pensa di henter e storia aki...."E Ali Cogia aki ta un
ladron...... ? Of e ta un sokete cu a kere mucho den bondad di su
amigu...... ? Di ki manera un hende por sa si e storia aki
ta berdad o ta solamente un medio pa saka mil moneda for di Husein
.......?
Lo mi pidi e Gran Visir pa bai busca Ali Cogia y Husein trece
pa mi mañan.
E anochi ey e Kalif y e Gran Visir a bisti na dos homber pober
y nan a bai dal un buelta den pueblo.
Den un di e cayanan nan a tende hopi desordu.
E porta di un cuarto tabata habrí. Nan a wak paden y
nan a mira mas o menos diezdos mucha hungando paden.
|
Nan
a para wak nan y por a scucha loke nan tabata bisa: "Ali Cogia
ta un bon homber, un di e muchanan a bisa. E tabata bende nos coi
hunga, cos dushi y tin ora e tatata triet nos. Nunca lo e por bisa
un mientira........"
Y un otro a contesté : "Sipero Ali Cogia a keda
siete aña afó..... Posider el a cambia. Podiser awor
e no ta papia berdad........."
Un di e otro muchanan yamá Fares a bisa: "Laga
ami hunga pa e cadi. Abo Karim ta Ali Cogia y Ziad lo ta Husein...."
Fares a cai sinta.
Trece Ali Cogia...!
Awor Ali, contami e berdad, solamente e berdad y nada otro cu e berdad.......!
Karim a conta e storia di Ali Cogia....
Trece Husein..!
Awor Husein, abo contami e berdad, solamente e berdad y nada otro
cu e berdad...!
Kiko bo ta contestá riba Ali su acusasion...?
|
