|
Ziad awor a conta e storia di Husein.
Fares a bisa:"Bo a trece e wea cu olijfi cu bo....?"
No..., mi no a trecé...!
Karim a contestá.......
Bai buské anto y trecé pa mi.....!
Karim a bai y bolbe camnando mescos cu un hende cu tabata carga
un wea grandi yen di olijfi...
Ta esaki ta e wea...., Husein...?
Si,... Ziad a respondé.........
Habri e wea....!
Fares a ordená.....
Djei Karim a move su mannan como si fuera a tabata habri e
wea. Fares a baha su cabez hariëndo mescos cu e tabata wak den
e wea.
Esta bunita olijfi..... ! El a bisa...
Despues el a pone su dedenan na su boca haciendo mescos cu
e tabata come un olijfi.....
Masha bon...! Un bon calidad di olijfi....! Pero mi no ta kere
cu un olijfi despues di siete aña por ta smaak asina bon.
|
Trece
dos bendedor di olijfi pa mi.....
Abo Jamil y abo Samir, bosonan ta e bendedornan di olijfi.
Bisami...., Fares a bisa.
Cuanto tempo un olijfi por wanta pa keda bon pa come...?
No mas cu tres aña...., Jamil a contestá...!
Despues di dos aña ya nan ta perde color y ta cria mal
smaak..., Samir a bisa.
Wak e olijfinan aki.....!
Bisami cuanto tempo boso ta kere cu nan tin den e wea aki...?
E bendedornan a haci manera cu nan ta wak den e wea y a contestá
: "Esakinan ta olijfi fresco......! Ta olijfinan di e aña
aki..!"
Den e caso ey Husein lo mester debolbé Ali su placa.
Duna Husein un bon sota pasobra e ta un ladron.....!
Fares a sentenciá.
Kalif Harun Al Rashid a keda sorprendí pa loke el a
tende. E muchanan aki ta masha sabí.....el a bisa. Nan ta mas
sabí cu e Cadi.
E Kalif a ordená pa trece y presentá su dilanti
en Cadi, e dos bendedornan di olijfi, Ali Cogia cu su wea di olijfi
y Husein tambe.
Su mañan Kalif a manda busca Fares. Ayera mi a scucha
boso wega.
|
Awe lo bo topa cu Ali Cogia en persona y tambe Husein. Sinta aki banda
di mi. Mi ta laga trece nan dos dilanti.
Cadi, e mucha aki lo scucha e storia di Ali y Husein y abo
lo siña for di dje con lo bo conocé e berdad for di
mentira..., loke ta husto for di inhusto ...y loke ta un homber bon
for di un ladron.......
Siña for di e mucha aki con pa haci bo trabow como Cadi.
Na final el a duna Fares cien moneda di oro y a bisé
......"Dia bo bira grandi bin cerca mi y lo mi hacibo un Cadi
di berdad..., un huez pa mi pueblo.......
Esey tabata un storia masha bon mes Scheherazade. Mi a siña
hopi cuné. Tin ora mucha ta resultá mas sabí
cu hende grandi.
Sultan, mi sa un cuenta di un Reina cu nan a kita su yiunan
for di e Rey y uno di Awa di oro, e mata cu ta canta y e pahra cu
ta papia....
Podiser bo hendenan sabí no conocé e cuentanan
aki.., pero ami lo no por contabo nan pasobra mi mester muri.
E Sultan a contestá : ."Lo bo contami nan mañan
promé cu solo sali.........!"
|
