|
Ali Rezzak tabata biba den un pueblo na Kashgar. E tabatin
un tienda den cua e tabata bende paña. Ali tabata stima su
casá masha hopi. Un dia e tabata sintá den su tienda
na momento cu un enano a yega y a cuminza canta y conta storianan
cu a pone Ali hari masha hopi.
Ali di cuné :
"Bin cu mi ora mi ta bai cas. Mi casá lo gusta
scucha bo cantica- y storianan. Mi ta hiba tambe un bon pida piscá
pa mi casá cushina pa nos."
Asina ta cu Ali a hiba e enano su cas. Ora di come a yega.
E enano a come e piscá asina golos cu el a pega cu un weso
den su garganta te cu el a bira blauw. E no por a papia.
Ali y su casá a spanta. E casá a bisa:
"Si e muri aki den nos lo mester bai avisa polis y nan
lo manda nos cerca heuz pa conta con e cos a bai. E huez lo bai bisa
cu ta nos a causa morto dje enano. Laga nos bai lihé na cas
dje dokter y aya nan a lagué dilanti di porta."
Un rato atras e dokter a habri su porta y e enano a lora cai
for di e trapi.
|
E
dokter tambe a cai. Ora cu e dokter a weita e enano el a pensa cu
e lo a muri... !
Hendenan lo bisa cu t'ámi a benté for di trapi
y polis lo hibami dilanti huez. E huez lo bisa cu t'ami a causa morto
dje enano. Mihor sconde e cadaver.
Net dilanti di cas di e dokter tabata biba e panadero Abdul.
E dokter a pensa:" Abdul no ta na cas awe nochi. Mi no ta mira
luz den e cas.
Mi ta hibé na cas di Abdul, poné sinta den un stul y
Abdul lo kere cu ta un ladron. Mi ta pone algun pan dilanti di e enano
pa haci manera cu e tabata comiendo."
Despues cu e dokter a haci tur eski el a pura bai cas bek.Abdul
a yega cas y a mira e enano sintá na mesa. Abdul a grita:"
Aha... ! ta bo ta e ladron cu tabata bin horta mi pan....!"
El a dal e enano asina duro cu esaki a cai for di e stul. Ora
cu el a mira cu e enano a keda bentá ey bao el a spanta y grita
: "Ata.... , el a muri....!"
Ta kiko mi mester haci awor.... ? Ta bon pa dal un ladron,
pero no asina duro pa maté tampoco. Mi mester saca su cadaver
for di aki den y hibé otro parti. Si mi no haci esaki Polis
lo bin hiba mi dilanti huez. E lo bisa cu t'ami a causa su morto.
|
Mi
tin un bon idea. Salim e homber rico, lo bai come y bebe cu su amigonan
awe. Lo e come y bebe asina tanto cu e lo bira burachi. Ora cu e yega
su cas lo e mira e enano, pero e lo no sa si e ta bibo of morto.
Asina ta cu Abdul a carga e enano bai poné dilanti di
porta di Salim. Ora Salim a yega el a mira e homber dilanti di su
porta. El a puntré : Ta kiko bo ta haci aki..... ?
Kiko bo kier….. ?
Contestámi ...........!
Contestámi……bo n'ta tende mi !!
Ora
cu e no a haya ningun contesta el a pusha e enano cu su pia. Esaki
a cai meimei di caya. Net un agente di Polis tabata pasa . Esaki di
cu Salim:" Bo a mata e homber aki. Ban warda mesora... !"
Su mañan Salim mester a presentá dilanti di huez.
Huez di cuné: "Bo a dal e enano y bo a maté ta
pesey lo mi laga horca bo... !
Abdul tambe tabata presente y a tende esaki.
El a pensa:"Mi no por permiti e huez manda horga Salim
pa morto di e enano. Mihor mi bisa huez e berdad."
|
