|
Kalif Harun Al Rachid y e Gran Visir a disfrazá na pididó
di lomosna pa ningun hende reconocé nan, di manera cu anochi
nan por camna libremente den e cayanan di Bagdad.
Nan a crusa e riu Euphrates den un boto chikito y despues nan
a cuminzá camna den e cayanan. Nan a keda mashá contento
cu nan tabata mira tur cos na orden. Yegando na e brug cu nan mester
a cruza pa bai na cas di e Kalif nan a mira un homber ciego cu a pidi
nan placa.......
Por fabor duná mi algun cen pa mi por cumpra cuminda,
henter dia mi no a come nada.
E Kalif a duna e pober homber algun placa. E homber ciego a
gradicié bisando: "Señor, mi kier a pidi bo un
fabor mas. Sútami, sútami masha duro mes!
|
Ta
pa kiko bo ke pa mi haci esey?
Señor, ora cu un homber haña castigo ta pasobra el a
haci algo malo.
Ta bon pa mi ricibí castigo, pasobra mi a cometé
un falta.
Mi no por haci esey. Bo ta un homber hopi bieu. Henter dia
bo no a come nada y bo ta mashá infeliz. Ta pa kiko mi tin
cu sutábo?
"Tuma bo placa bek of haci manera mi ta pidí bo!"
Mi a bisa bon clá cu mi no ta aceptá placa for di ningun
hende si nan no castigá mi. Bo no conocé mi historia.
Ta husto pa mi ricibí castigo.
Asina ta cu e kalif a suta e homber."Mas Duro! Sutámi
mas duro ainda....!"
Y e Kalif a dale mas duro. Despues el a sigui su caminda hunto
cu e Gran Visir. Awor el a puntra e Gran Visir: "Ta kiko lo ta
e motibo tras di tur esaki? Pakiko el a pidi mi pa mi dale...?"
Bai bek serca dje. Bisé kende mi ta y ordené
bin mi cas mayan despues di e oracionnan di anochi.
|
E
Gran Visir a bai bek na e brug y a duna e homber ciego un placa. El
a dále y a conté loke cu e Kalif a bisa.
Su dia siguienete, despues di e oracionnan di anochi e Gran Visir
a hiba e homber bieu den hal caminda e Kalif tabata sintá.
E ora e Kalif a puntra e homber ciego:" Con ta bo nomber....?"
Mi
nomber ta "Baba-Abdalah..."
Bisami ta pakiko bo ta pidi e hendenan pa dal bo ora cu nan
duná bo placa. Kiko ta e motibo pa esaki. Ta un cos masha malo
si mi hendenan siña golpea un homber bieu. Un homber podiser
mesun bieu cu nan tata. O, podiser mas bieu...!"
O,Kalif...!
Mi a nace na Bagdad. Mi tata y mi mama a muri tempo cu mi tabata masha
hoben. Nan a laga masha poco cen pa mi. Mi a traha hopi duro pa haña
mas placa.....
Porfin mi tabata tin suficiente placa pa mi por cumpra ochenta
camel. Mi tabata biaha di un lugar pa otro cu mi camelnan. Mi tabata
cumpra artículo aki y bendenan den otro pais y asina mi a haña
mas y mas placa. Mi tabata stima placa........! 
|
