|
Meneer Tromp ta nota den clas cu awe e muchanan ta mas inkieto cu nunca.
E ta sonreí pasobra e sá ta kiko tin nan cabez yen. Ta e circo. E ta trata
na hala nan atencion ariba e taalles. Menos malo cu e último dos lesnan
ta handenarbeid e tin. Lo ta un bon idea si e laganan traha un circo como
groepswerk. E tin suficiente papel mashé, klei y waya y e entusiasmo dje
muchanan ta mas cu grandi. Wancito, breng dat blaadje hier, alstublieft".
No
cu mucho gana e mucha a lanta bay hib'e blaadji pa meneer.
Caramba, e mucha 'ki ta talento mes e tin, meneer Tromp ta pensa. Riba
e pida papel un circo completo. Dos homber y un muher den trapezio, un
payaso ta hasi kenshi, un haula cu tres leon y un domador, dos pony ta
baila y un elefante. Tur ta den e pista y e tribuna ta rond di esey. Mihó
pinta cu e posternan riba curá di scool.
Wancito ta pará cabez abao dilanti di e lessenaar. Ma meneer Tromp
ta lubidá di duné un standje y ta bisa: "Wancito die
tekenig is fantastisch. Ben je al naar het circus geweest?"
Promé cu Wancito kier duna un contesta henter e clas ta grita un
den otro: "T'awe nochi e ta habri meneer. Awe nochi och'or."
"En wie gaan er allemaal naar toe?" "Ik, ik, ik, ami ........"
Mas of menos cinco dede ta bay laira. Meneer ta warda Wancito su dibujo
y ta mandé bai sinta numa. E ta dicidí di pone un fin na
e les di taal y ta saca su buki di storia. Henter e clas ta keda keto.
Di ora cu nan weita e buki nan sa cu meneer ta bay lesa. Ta un cos cu
nan ta gusta mashá.
Meneer Tromp ta lesa un storia mashá bunita di "Jairo"
un mucha di circo. Jairo sa haci tur sorto di salto den trapezio, pero
un dia e ta bandoná e bida di circo pasobra e ke siña skirbi
y lesa. E ke bai scool.
Rib 'un dia cu e circo ta sali pa un otro pueblo e ta keda 'tras. Pero
e no conocé ningun hende y di dos dia cu e ta sintá bandaná
den un park ta yora, polis ta hayé y ta hibé warda. Ayanan
nan ta busca contact cu e doño di circo kende ta e voogd di Jairo.
Ma ta despues di cuatro luna e circo ta bolbe. E doño a pidi pa
laga Jairo bay keda na un cas pa huérfano te dia cu e circo bolbe
den pueblo. Asina Jairo a logra loke el a busca. El a bay scool y a siña
skirbi y lesa. E tabata sintié feliz.
Awor e por lesa buki y corant mescos cu tur otro mucha. Aki e storia ta
terminá..................................
"Nog één, nog één...." Pero ya ta
ora di handenarbeid y meneer ta warda su buki di storia.
|
Ora
cu e muchanan cu e muchanan ta tende cu ta un circo nan ta bay traha nan
ta bati man. Meneer ta laga Wancito pinta un circo mas grandi ariba bordji
y ta parti e trabao.
Pedrito kende ta un artista den boetseermento ta haya e figuranan den
e trapezio na su engargo.
E payaso y e domador ta pa Tico. E otro muchanan ta traha e pista, e tribuna
y e bestianan. Wancito ta sintié orguyoso di su encargo.
Meneer y tur e muchanan ta admirá su trabao. Wancito en berdad
ta pinta bon mes. Mientras cu meneer ta cana rond, e ta tende tur sorto
di comentario tocante di e circo. "E tin seis leon." "Nò,
ocho leon, mi mes a weitanan riba waf." "Sí, pero dos
a muri. E tiger tambe a muri, pasobra no tin basta carni 'burico pa nan.
" Pedrito
su stem ta sali riba tur: "Mama si no a bende mi burico. Nan a bin
cumpré si." Nan a primintí mama kaarchi pornada si
e bendé, pero mama sá cuanto mi ta stima burico, ta pesey
e no a bendé.
"Mara t'ami ta tin un burico pa bende," Hose ta gruña.
"Bo mes t' un burico......." Meneer ta mira cu e pelea ta bay
rementá y ta mandanan sera nan boca y sigui traha.
Aki aya e ta yuda algun mucha. Awe nan lo no bini cla pero nan lo cabé
ptro siman. Un mucha di zesde clas ta trece un papel pa meneer Tromp."Jongens,
nu netjes opruimen en daarna heb ik voor jullie goed nieuws.
"Den menos cu un fregá di wowo tur cos ta na su lugá
y binti par di wowo ta waak Meneer Tromp ansioso. E oreanan pará
pa scucha."Jongens, hier gaAt ie dan. Zaterdag mogen alle scholen,
dus wij ook voor 50 cent naar het circus."
"Great..," henter e clas ta grita y ta cuminzá bati riba
banki. Bel ta bati y bao di grito e muchanan ta sali pafó. Awe
nan ta lubidá hasta e "dag meneer" tradicional..........
|
