Di hopi di e cuentonan di hada nos no conocé nan origen. Promé cu e cuentonan aki a alcanzá e forma literaria bao di cual nan ta mundialmente conocí, e strorianan aki a pasa di continente pa otro.

Esclavonan, trovador y bohemio erantenan a hiba e cuentonan aki di lugar pa otro. Di e manera aki e storianan a sobrebibí durante tur e siglonan.

E cuentonan di hada moderno ta creacionnan original, por ehempel di Hans Christian Andersen y Luis Carroll.

E elemento mas esencial den e cuentonan aki ta magia, sea cu ta trata di elf, kabouter, enano, reus o otro sernan fantástico.

Ora cu un cuento bira tradicional den un pais, expresando e creencianan, custumber o aspiracionnan di un pueblo nos ta papia di cuento popular y e ta bai pertenecé na folkore di e pais, por ehempel storianan di Cha Nanzi. Den tur e cuentonan ta trata di paisnan bunita, y semper honradez y pureza di sintimento ta triumfá y maldad ta wordu castigá.

E deseonan subconsiente di e pobernan ta keda realizá y e in husticia cu e rico y poderosonan ta cometé ta keda castigá...........

Texto: © Digna Laclé-Herrera
Derechonan reservá: Digna Laclé-Herrera
Nada for di e texto aki por wordu copia di un manera ò otro sin autorisacion antemano di e autora.
Danki na sra. N. Hoevertsz cu a typ tur e storianan