"Madushi, ki dia nos pos bin piki shimaruco?" "Wel Wancito, mi ta kere cu pa banda di otro siman nan ta bon hecho. E biaha aki nan a pari grandi mes, bo n'ta haya? "Y pa otro siman nan lo ta mas grandi. Hè, mi boca ta baba caba, madushi".

"Mira pa e biaha aki no pasa loke a pasa biaha pasá, cu boso a come shimaruco te bira malo, Wancito. Corda cu tur cos tin su midí!"
"Ami no a come di e hopi ey. Pero Madushi sa kendenan ta golos ta Tico cu Tuyo".

"Bon Wancito, mi ta kere cu ta ora pa bo bay cas. No lubidá e pan dushi pa bo mama. Otro siman mi ta wardábo cu bo amigonan. Y corda bon, promé boso ta haci curá y hoffi limpi, despues tin pikimento di shimaruco. Sino, nò! Cumindamento na cas. Ayó, mi yiu".

Wancito ta laga Madushi y ta co'i caminda pa cas.
Su mañan e ta combidá su amigonan Pedrito, Tico, Tuyo y Doy pa bai piki shimaruco. Su otro siman diasabra e sinco amigonan a sali tempran pa cas di Wancito su Madushi. Djaleu Madushi ta sinti nan boroto y ta sali pa contranan na curá.

"Wancito, trece bo amigonan paden. Ata té y pandushi. Corda pone e co'i trabaonan na nan lugar y laba boso man." Madushi ta goza com e muchanan ta come e pandushi cu smaak. "Ata'ki un bleki buscuchi pa yena shimaruco. Boso tene cuidao cu e maribombanan." Contento e muchanan ta core bay den cunuco. E matanan ta cargá di e fruta. Nan ta grandi, corrá y dushi. Segun cu nan ta piki nan ta come.

Rond di nan e maribombanan ta herbe. Tuyo no ta pone tino y e ta stoot un cas di maribomba cu su man. Diripiente ta manera cu e bestianan a bira loco. Nan ta pica e muchanan unda cu nan ta haya. Pedrito ta pasa man pa e bleki y ta cuminzá core. Ya Tico y Tuyo a plama paña. Tuyo man na cacheta.

"Bon dia Madushi". Moru mi yiunan. Corda bon, trabao promé, djei shimaruco.

Boso tene cuidao cu e neishi di maribomba den un di e palonan. E bestianan ey ta pica masha duro. Promé cu boso bay den cunuco boso ta bin bebe té cu pandushi. Wancito, piki e co'i trabaonan y man na obra."

Madushi ta drenta paden y Wancito ta parti e trabao. Nan ta cuminzá traha.
Ora-ora Madushi ta tira un bista pafó y ta hari. Nan ta poco maldito, pero ora di traha nan ta traha sí, Madushi ta pensa.

Pedrito ta chapi te cu e ta keda papa sodá. Doy t'esun cu semper ta taha palo. Promé cu un ora Madushi su curá y hoffi ta keda limpi-limpi. E muchanan ta yena dos drum cu sushi. Mas tanto ta e hoffi ta yena cu foyo y cu yerba seco, pasobra Madushi tin hopi mata.

Madushi ta tende e grito di e muchanan y ta sali pa weita ta kiko ta pasa. "M'a bisa boso. Maribomba ta un bestia cu bo no mester molestié, e ta rabia y e ta picá bo. Bin pa mi frega boso cu konoflook. Wancito e picá na bo braza no ta un gran cos, pero cielo santo, mira Doy su nanishi. El a bira manera un breba.

Tuyo abo parce hende cu tin cachetón. Boso tin mal sanger pa maribomba. Tico tambe su braza ta yen di boton di tanto cu e bestianan a piké. Ta bon cu Pedrito su camisa ta manga largo sino e tambe a hiba."

"Sí, pero madushi ami a core na tempo. E ta blo prop shimaruco den boca sin pone tino. Ta pesey nan a piké na su boca." Madushi ta primintínan cu e mes lo bay piki poco shimaruco mas atardi y Wancito lo parti nan.

Dialuna na scol tur mucha ta puntra Doy ta kiko a pasa su nanishi, pasobra nan ta mira cu su nanishi ta asina grandi. Tur e konoflook di Madushi no a yuda. Meneer tambe ke sa ta kiko a pasé, pero Doy no ke bisa nada.

Mihor mi no a bin scol e ta pensa. E ta sintié mashá fastioso. Tuyo ta conta meneer henter e storia.

Pober Doy, e cu maribomba sí n'ta amigo. Y ora e mira un neishi di maribomba e ta keda leo.