|
Esaki
si ta un manera di haya plaka, e buriko ey mi ta horté e homber
a pensa. Mas den anochi ora cu Bobbo tabata morto na soño ,
e homber malvado a bai bao di e dak y a cambia e buriko magicó
pa un otro burico cu e tabatin.
Su manecé Bobbo a pasa man pa su buriko y a cohe caminda
, pa banda di merdia el a jega cas.
Su tata tabata mashá contento cu su yiu a bolbe.
Mi yiu mi ta feliz di tin bo na cas trobe , con a bai bo y
ta ki trabao bo tabata haci tur e
tempo cu bo tabata fo'i tera ? e tata a puntra.
Papa mi tabata tira bista pa e buriconan di mi bas Bobbo a contestá.
Y kiko asina bo a trece di bo biaha ? Un burico papa.
Un buriko ! ta kiko nos lo por haci cu un burico, un baca lo
tabata mas mihor.
Esey por ta pero e burico aki ta un buriko magicó ,
ora cu bisé buriko niester ! E ta keda niester te yena e baki
aki cu plaka.
Yama bo amigonan y lo mi dunanan cuanto plaka di oro cu nan pidi.
E tata a invitá e amigo nan y Bobbo a trece e buriko nan
dilanti.
|
Boso
wak bon asina cu mi bisa buriko niester ! boso lo mira cuanto plaka
ta basha for su nanishi ora cu e niester.
Pero ora cu Bobbo a bisa e palabra nan magicó nada no
a sosodé. E buriko a keda para trankil di dje. Pober bobbo
a comprendé cu ta e homber cerca kende el a pasa anochi a horta
su buriko magicó.
Di tristeza el acore bai fo 'i cas y a bai busca trabao trobe.
El a scirbi un carta pa su ruman Jacobo y a conté tur loke
cu a pasa cu su buriko magicó y di e homber malvado.
Jacobo tabata traha cerca un homber cu tabata kap palo den
mondi. Despues di un aña e homber a bisa Jacobo : bo a traha
asina duru cu lo mi duna bo algo como recompensa , ata ki un caha
den cual tin un garoti.
Danki pa e caha bunita aki , pero mi no tin meter di e garoti.
Lo mi usa e caha pa pone algo mas bunita aden ya cu e garoti ey ta
mes cos cu caulkier otro garoti Jacobo a bisa.
Ta esey bo ta kere e homber a contestá , esaki ta un
garoti magicó. Si cualkier hende trata bo malo o inhusto bo
ta bisa :
Garoti bula for di e caha ! mesora e garoti ta bula afor y lo cuminza
suta e persona cu a trata bo malo, y e ta sigi basha golpi riba djé
te ora cu bo bisa, Garoti bula bek den e caha.
Jacobo a yama su doño danki y a pone su caha bao braza
djey el a cohe caminda.
|
Durante
di su biaha nunca e tabata tin miedo di ningun hende. Ki ora cu el
a topa cu un mal hende e tabata bisa :
Garoti bula for di e caha e garoti tabata cuminza parti golpi.
E malhechor ta plama paña
Porfin un dia Jacobo a jega na e mes un cas caminda su rumannan
a pasa anochi. El a pidi e homber un poco cuminda , mientras cu Jacobo
tabata come el a cuminzá conta e homber tocante di tur e cos
nan cu el a mira durante di su biaha.
Bo sa cu tin un mesa magicó cu ta yen-yen di cuminda
asina cu bo bisa : mesa ta poní ?
Y tambe tin un burico cu ta niester plaka di oro ?
Mi no sa na unda e cosnan aki ta awor aki , pero mi a yega di
miranan si durante un di mi biahanan , nan ta fantasticó ,
pero nan no ta di compará cu loke mi tin den e caha aki
Ora cu e homber a tende esaki el a pensa : ta kiko lo tin den
e caha ey ?
Algo mihor cu e mesa y e burico magicó , casi mi no
por kere , pero lo mester ta algo bon y lo mi kite for di dje asina
cu e pega soño.
Jacobo a dicidi di bai drumi y a pone e caha banda di su cama.
|
