E mesa, e burico y e garoti, ultimo parti

Basta rato atras e doño di e cas a drenta pushi pushi den Jacobo su kamber. Pensando cu Jacobo mester tabata na soño el a tira man cohe e caha. Pero e hoben no tabata na soño , el a sinti e homber drenta den kamber y a warda pa e mira su intencion. Asina cu el a pone man riba e caha Jacobo a grita :

Garoti sali for di e caha.Y e garoti a bula fó y golpi a cuminza yobe riba e homber su lomba , su cabez y su brasanan , e homber tabata purba core bai pero e garoti no tabata duné un tjens.

Jacobo di cuné : ta te ora cu bo entregami e mesa y e burico cu bo a horta di mi ruman nan lo mi laga e garoti stop di suta bo.

Si, si lo mi dunabo nan e homber a grita.

Despues cu e homber a entregá e mesa y e buriko Jacobo a cohe caminda pa cas.

Ora cu el a yega su tata a bira mashá contento y a puntré :
Mi yiu ta kiko bo a haci henter e aña ?

Mi tabata kap palo den mondi , papa Jacobo a contestá.

Y kiko bo a trece di bo biaha ?
Un garoti ! papa Jacobo a contestá.
Pero ta kiko bo ta haci cu un garoti , aki mes ta yen di mata for di cual bo por a traha un garoti.

Esey ta berdad , pero esaki ta un garoti magicó.
Kende cu trata inhusto e ta castigá asina cu mi bisa :

Garoti bula for di e caha y ta te ora cu mi bisé garoti drenta den e caha e ta stop.

Mi rumannan tabata tin un mesa y un buriko magicó. Un mal homber a horta nan y ta e garoti aki a yuda mi pa mi a hayanan bek.

Manda bisa mi ruman nan pa nan bolbe cas awor y invitá bo amigo nan també. Lo mi duna nan cuminda y plaka , cuanto cu nan kier.

Asina cu Tochi cu Bobbo a haya e noticia nan a bolbe y e tata a yama tur su amigonan.
Ora cu Jacobo a trece e mesa Tochi a bisa : Mesa ta poní

Y mesora e mesa tabata yen di tur clase di cuminda y bibida y nan tur a come y bebe te yena barika.

Despues Jacobo a pasa e burico paden y Bobbo a bisa : Burico niester

Y na mesun momento e buriko a cuminza niester baki pa baki di plaka di oro. Tur e amigo nan por a yena nan sako cu plaka , asina e homber bieu cu su tres yiu hombernan a sigi biba feliz.

Yama bo amigonan y lo mi dunanan cuanto plaka di oro cu nan pidi.

E tata a invitá e amigo nan y Bobbo a trece e buriko nan dilanti.

Texto: ® Digna Laclé-Herrera
Derechonan reservá: Digna Laclé-Herrera
Nada for di e texto aki por wordu copia di un manera ò otro sin autorisacion antemano di e autora.
Promé version na papiamento 1993, Edicion revisá : 1994
Danki na sra. N. Hoevertsz cu a typ tur e storianan