|
Un homber tabata tin un burico cu pa hopi aña nan largo
a carga e saconan di maishi hiba mulina sin cansa. Pero despues di tanto
tempo su forza a cuminza caba el a bira bieu y no tabata sirbi mas pa
e trabao ey. Su amo a cuminza pensa cu tabata mehor pa duné menos
cuminda pa asina e muri mas liher, ma e burico cu a hole palu kiko tabata
e intencion di su Bas ta a larga tumba y a cohe caminda pa Bremen.
Despues di a camna pa poco rato riba e caminda el a topa cu un
cachó bieu drumí canto di caminda. E e tabata lenga fó
di tanto el a core.
E burico a puntré: ta di con bo ta cansá asina? Ai
e cachó a contestá, manera bo ta mira mi ta bieu y gastá,
awor cu mi no por sirbi mi doño mas ela dicidí di pone un
fin na mi bida despues cu mi a sirbié fielmente pa hopi aña.
Pero awor e pregunta ta: con gana mi pan ?
Bo sa kiko, e burico a puntra, mi ta na caminda pa Bremen, aya
mi ta bai busca un job como musicante, mi ta un bon baritono. Bin cu mi
y join mi. Nos por forma un bon duo.
E cachó a bai di acuerdo y nan a sigui nan caminda.
Un poco rato atras nan a topa cu un poeshi cu un cara manera un mal
tempo.
E burico a puntré: ta di com bo ta rabiá asina ?
Ta ken por ta contento despues di a ricibi un skop pa danki ? e
poesji a contestá. Mi a bira bieu y mi djentenan a cai. Mi ta preferá
di sinta soña cu raton enbes di core nan tras , y ta pesey mi ama
kier a hogá mi.
Ora cu mi a haya sa esaki mi a plama paña, pero awor mi
no sa ki rumbo mi cohe.
Bam Bremen cu nos e burico a bisa. Bo ta bon den duna serenada
, di manera cu nos tres por forma un bon trio.
E poeshi a cumbiní y a join nan.
Despues di basta camna e fugitivonan a pasa un curá caminda
cu un gai tabata sintá ta grita cu tur su forza. Na e manera cu
bo ta bula tur hende na tambú di Orea.
Ta
kiko a pasabo ? e burico a puntrá
|
.
Wel pa tur e bon profeta cu mi ta den anunciá bon tempo mi
ama a pensa cu lo e por traha soppi cu mi pa su bishitanan , cu ta bin
mañan. E di cu gai bieu ta mihó pa soppi , di manera cu
awe nochi lo e troce mi nek. Ta pesey cu mi ta grita awor tur loke mi
por.
Bam cu nos gayo ! e burico a consehé . Tásina so
lo bo salba bo peyeho.........Nos ta caminda pa Bremen y aya sigur
lo bo topa cu mihor suerte. Bo tin un bon voz y hunto nos lo forma un
bon caurteto , di calidad.
E gay a haya e idea aki tentador y el a join nan. Pero e anochi
ey nan no a alcanzá na yega stad y nan a dicidí di pasa
e anochi ey den mondi .
E burico y e cachó a drumi bao di un palo grandi. E pushi
y e gay a subi bai drumi den e ramanan. E gay a subi te den top , caminda
e tabata sinta mas sigur. Promé cu sera wowo el a tira un bista
pa wak rond den tur direccion.
Di ripiente a parce cu el a mira un luz den distancia .
El a grita su camaradanan cu e tabata sigur cu e tabata sigur cu
tabatatin un cas no mucho leu !
Wel laga nos bai wak, pasobra aki den e mondi aki nos no tin mucho
dibertacion e burico a bisa.
E cacho a pensa cu talbez maske ta pida weso cu carni lo e por
logra haya.
Asina ta cu nan a sali for di e mondi y a sgui den direccion di
e luz.
Ora pa ora e luz tabata bira mas grandi te cu nan a yega na un
cas.
Door di e bentana nan por a weita cuatro ladron sintá.
E burico a rek su garganta pa por a mira mas mihor.
Kiko bo ta weita ? e gay a puntra.
Kiko mi ta weita ? Wel un mesa pata-pata di cuminda dushi , tambe
biña y cuatro ladron sintá ta yena nan buchi.
Ta net loke nos mester e gay a bisa.
.......................................................... Sigui
lesa
|
