Si pero ta con nos ta haci pa yega na e mesa , e burico a replicá.

E cuatro amigonan a dicidí di bai pensa ariba un plan pa por core cu e cuatro ladronan.

Porfin nan a haña un bon idea.

E burico lo pone su patanan padilanti ariba e kozijn dje bentana , e cachó lo bula ariba su lomba , e pushi lo subi riba lomba dje cachó y por último e gay lo bula sinta riba cabes di e pushi.

Unabez cu nan ta den e posishon ey nan lo start cu nan música , e burico a grita , e cachó a blaf , e pushi a miauw , y e gay a grita cocoyoco y na mes momento e burico a dal e bentana kibra cu su patanan.

Glasnan a spart y e ladronan a bula lanta ora cu nan a tende tur e desorden.

Nan a pensa cu ta diablo mes a haci su entrada y nan a huy morto spantá drenta mondi.

E cuarteto di musicante a cai sinta na mesa y a come nan barica yen.

Ora cu nan a caba nan a paga tur luz y cada un a busca un bon lugar pa drumi.

E burico a bai drumi riba un monton di yerba seko , e cachó tras di porta , e pushi ariba e kachel y e gay a bula bai drumi riba un di e balkinan.

Como cu nan tabata cansá di nan biahe largo nan a bai soño lihé.

Despues di mei anochi e bandidonan di aleu por a mira cu tur luz den e cas tabata pagá y tur cos tabata parce keto.

E hefe di e ladronnan a bisa , nos no mester a laga un alarma falso spanta nos , y el a manda un di e ladronnan bai tira un bista na e cas.

Esaki a bai y a haya tur cos keto , el a dicidí di drenta den e cushina pa bai cende un luz.

Mirando e wowonan di e pushi ta lombra el a kere cu tabata dos pida carbon.

El a saca su man pa pega e candela , pero e pushi cu no a tuma e chansa ey a bula huñe den cara y a corté.

Di susto el a core bai na e porta pero aya e cachó a ricibié y a bula mordé den su pia , di dolor el a drai bula over di e montón di yerba caminda cu e burico a contré cu un bon skop.

E gay cu a spierta di tanto boroto a cuminza grita : cocoyocooo !

E ladron cu porfin a haya un porta pa sali a core bai asina lihé cu e tabata por.

Aya el a conta su hefe cu el a topa cu un hacidó di bruha mashá peligroso kende a corté den su cara cu su uñanan largo.

Tras di un porta un homber cu a hinké cu asina un cuchú grandi y den e magasina un monster grandi pretu cu a pasé un palo.

Riba dak e huez sintá ta grita :
Coi e ladrooooooon .........!

Di manera cu no a keda mi otro cos cu mi a core pa salba mi bida , e ladron a terminá su relato.

Desde e dia ey nunca mas e bandidonan a tribi yega na e cas caminda cu e caurteto musical a keda biba den bon armonía..........