Un dia tabatatin un bunita prinses.
Masha hopi prins kier a casa cuné per su mama Reina a bisanan :
'Lo mi duna boso un encargo. Esun cu cumpli cu e encargo lo casa cu e prinses, pero esun cu no por mester muri.'

Ningun di e prinsnan por a haci e cosnan cu la Reina tabata mandanan haci,
Y pa e motibo ey el a laga mata tur. Cada luna tabata yega un of mas prins pero ningun di nan por a cumpli cu e encargo di la Reina y ta pesey esaki tabata laga matanan. Prins Carlo tabata yui di un arey cu no tabata tin mucho placa.

Y tabata tin un pais mashá chikito.
Prins Carlo a tende di e prinses bunita y a bisa su tata cu e kier bai puntra pa casa cu e Prinses.
'Esey si cu nunca ! e Rey a bisa .
Si bo bai haci esey sigur lo bo haya bo morto, mescos cu hopi promé cu bo.'
E Prins a keda masha tristo despues di a scucha su tata.

Dia pa dia e tabata mas tristo, te cu el a bira hopi malo.
Su tata tabata tin miedo cu lo e muri.

Porfin e tata a dicidí cu ta mihor laga e Prins bai puntra e Prinses pa casa , y el a bisa :
'Bai numa mi yiu y ohalá bo tin mihor suerte cu e otro Prinsnan promé cu bo.

E Prins a bira mashá contento ora cu el a tende esaki.
Despues di tres dia el a bandoná su cama pa por a sali di biaha pa e pais na unda e Prinses tabata biba. E no tabata tin ningun criá pa bai cuné pasobra e tabata un Prins pober.
El a pensa: Na caminda lo mi haya algun sirbiente cu lo kier drenta den mi sirbishi.
Despues di a cana pa basta rato e Prins a weita un serito su dilanti. E dí:

Mi no por corda cu na e lugar ey tabata tin ningun serito.
Esaki mester ta un nobo, pero di ki manera esaki a sosodé ?

El a core bai na e lugar y yegando mas cerca e por a ripará cu no tabata un serito. Pero un homber mashá gordo drumi pecho ariba. Ora cu e Prins a yega cerca dje e homber a lanta for di soño. 'Kiko bo ta haci aki ?' e Prins a puntra.
Mi tabata drumi y awor mi a lanta e homber a contestá.

Y pakiko bo tabata drumi ?
Mi tabata drumi pasobra ta un tiki cuminda so mi a come awe mainta. Y awor mi a lanta pasobra mi kier mas cuminda.

Y ta kiko bo a come awe mainta ? e Prins a puntra. Tres baca y cien pan, e homber a respondé.

Bo kier bira mi sirbiente? E Prins a bisa. Esey ta si bo tin suficiente cuminda pa mi ,e homber gordo a contestá .Asina ta cu e homber gordo a bai cu e Prins.Na caminda nan a topa cu otro homber. E homber aki tabata cu su cabez abao cu su orea den tera. Ora cu el a hiza cara weitanan e Prins a ripará cu esun orea tabata hopi grandi.

Ta kiko bo ta haci ? e Prins a puntra.
Mi ta scuchando.
Kiko bo ta tende ? e Prins a puntra.

Mi ta tende e matanan crece y e pahranan canta den un pais mashá leu cruzando lamar. E homber orea grandi a contestá.

Si bo por tende for di asina leu, bisami anto ta kiko bo ta tende den cas di e Prinses bunita.

Mi ta tendé ta yora, pasobra atrobe un pobercito Prins a perde su bida.
Bo kier bira mi sirbiente ? e Prins a puntra.

Si mi kier esey, e orea grandi a bisa.Siguiendo awor nan caminda nan por a mira for di un distancia dos obheto largo na canto di caminda

Promé nan a kere cu tabata dos palo, pero ora cu nan a yega mas acerca nan a ripará
Cu ta e brazanan di un homber.
Ta e brazanan di mas largo cu nan a yega di mira den nan bida.
Y e homber mes tabata hopi grandi, bo ta hopi halto e Prins a bisé.
Y ainda mi por rek bira mes largo cu mi ke, e homber a contestá.

Bo kier bira mi sirbiente ? e Prins a puntra.
E homber braza largo a combini di bai sirbi e Prins.
Riba nan caminda nan a weita un hombercu un pida paña riba un wowo.

Pakiko bo ta tapa bo wowo cu e paña ? e Prins a puntré. Ta stof a bai den bo wowo ?No pa mi por mira di cerca mi mester tapa un wowo, pasobra mi ta mira leu y door di tur cos, bo kier bira mi sirbiente ? e Prins a bisa.
E homber kende nan tabata yama mira leu a dicidi di bai cu e Prins

Sigiendo nan biaha e solo a bira mas cayente cu e Prins mester a habri su bachi.
Den esey nan a topa cu un homber sintá canto di caminda.
E tabata tin dos bachi bistí y su cabez lorá den paña, di manera cu bo no por a haya su cara mira, nan por a tendé ta yora : ay esta un frio ta haci ! est' un frio.

Pasobra si mi habri mi bachi sneeuw lo cuminzá cai y abo y bo amigonan lo muri di frio.
Bo kier bira mi sirbiente ? e Prins a puntré, e homber frio a aceptá y a sigui su caminda
d en companiá di e Prins.

E Prins a puntré stañá : ta di con bo por tin tanto frio ?
E solo t'asina cayente cu mi mester a habri mi bachi, ta di con bo bachi ta será ?

Porfin e Prins cu su sirbientenan a yega na e stad caminda cu e Prinses bunita tabata biba. El a bai cerca e Reina y a bisé : mi ta deseá di casa cu e Prinses, kiko mi mester haci ? E Reina a contestá : lo mi duna bo tres cos pa haci : si bo logra haci nan lo bo casa cu e Prinses.

Y ta kiko ta e tres cos nan cu mi mester haci ? e Prins a puntra.

Mi tabata tin un renchi mashá bunita y el a cai den e rio. Awor bo mester bai busca e renchi ey y trecé pa mi promé cu solo drenta.
E Prins a bai cerca su sirbientenan y a bisanan ; nos tin di saca un renchi di e Reina for di den rio promé cu solo drenta, kiko boso ta kere nos mester haci ?

Lo mi yudá bo Mira Leu a contestá.

Na mesun momento el a kita e paña for di su wowo y a wak den e awa di e rio.

Ata mi ta mira e renchi ariba un piedra,no mucho leu for di caminda nos ta pará.
Si ami por a weité, lo mi a cohé, Braza Largo a bisa.

Es ora ey e homber Gordo a habri su boca y a cuminzá bebe e awa di rio.El a keda bebe y bebe te ora cu e rio a keda seco.

Braza Largo a rek su braza y a cohe e renchi y a duna e Prins e.

E Reina a keda mashá rabiá ora cu e Prins a trece e renchi pe.

El a pensa : awor lo mi bai duna e Prins aki algo mashá trabajoso pa haci y cu lo ta imposibel pa e cumpli cuné. E anochi ey e Reina no por a drumi mes di tanto pensa riba loke e ta bai encargá e Prins. Su mañan el a manda busca e Prins y a bisé: Sigur lo bo tin hopi

hamber despues di biaha tanto dia, mi tin tres baca den cunucu patras di mi palacio.

Bo mester come tur promé cu merdia, si bo resta un garnachi lo mi matabo. Mi por pidi un di mi amigonan compaña mi, ningun hende no ta gusta sinta come nan so.

E Prins a puntra, solamente un amigo bo por invitá e Reina a respondé.

E Prins a pidi e homber Gordo pa bai cuné den cunuco. E homber Gordo den un fregá di wowo a come e bacanan y tambe el a come tur e galiña y e patonan. Ora cu el a caba el a puntra si ta esey tabata tur. Merdia e Reina tabata sintá ta warda cuminda bini mesa, pero ora cu a bira lat el a manda yama e kokki pa puntra ta di con no tin cumida.

E kokki a contestá : un homber gordo a come tur cuminda, baca, galiña, pato. No tin nada mas e Reina a sinta pensa y na final e dí; awor mi sa con lo mi hayé.El a manda busca e Prins y a bisa: lo bo kier a bin come cu nos awe nochi?
Y despues di esey lo bo kier a sinta cu e Prinses durante di dos ora? E Prins a bai di acuerdo.

E reina a bisé pa mira pa e no bai soño ora cu e ta sintá ta conbersá cu e Prinses. Esey lo no bai sosodé e Prins a iguré.Pasobra si bo bai soño mi magia lo pone e Prinses disparcé.
Si mi no haya e Prinses den bo compania ora cu mi bolbe lo mi matabo.

E Prins a bisti su pañanan di mas bunita y el a bai palacio. Aya e criánan a trece platonan di mas dushi pa come y tur clase di bibida.

Ora cu e Prins no tabata weité e Reina a pone un polvo den su glas. E Prins a bebe sin sabi kiko e Reina a haci.
Despues e Reina a bisa : Bam mira e Prinses awor.

El a sigui e Reina y nan a yega den un kamber den e parti mas halto di e palacio.

E bentana tabata habri pa canto di lamar. Ey e Prinses tabata sintá, e solo tabata bahando y tabata reflehá un luz corá riba lamar.

E luz tabata luminá e cara y e cabei di e Prinses.
Henter e kamber tabata tin un olor dushi di rosa.

Texto: ® Digna Laclé-Herrera
Derechonan reservá: Digna Laclé-Herrera
Nada for di e texto aki por wordu copia di un manera ò otro sin autorisacion antemano di e autora.