|
Un dia tabatatin un homber cu tabatatin tres yiu, un mulina, un burico
y un pushi. Dia cu e homber aki a muri el a laga pa e yiu homber mayor
e mulina, e di dos a haya e burico y e yiu homber mas chikito a haya e
pushi.
Thomas enberdad tabata stima e pushi pero el a puntra: "Ta
di kiko un pushi lo sirbimi pa mi gana mi bida? Ningun hende ta bai cumpra
un pushi fo'i mi!"E pushi cu a tende su amo ta keha a bisé:
Bas, si bo cumpra un par di laars pa mi, un saco y un braza di cabuya
lo mi percurá pa bo bira un homber rico."Thomas cu a keda
asombrá di tende e pushi papia a cuminzá hari. Pronto el
a bai busca e cosnan cu e pushi a pidié.
E pushi a bisti e laarsnan, el a pone algun pida pan den e saco
y a medio mara e boca di e saco cu e cabuya. Despues el a pone e saco
den mondi y e mes a bai sconde. Pronto un par di coneo gordo a core drenta
e saco pa bai come e pan. Mesora e pushi a hala e cabuya sera e boca di
e saco. Despues el a tira e saco riba su lomba y el a core bai palacio.Pa
su bon suerte e rey y su yiu tabata keiru den e hardin. E pushi a buig
pa saludá y a entregá e dos coneonan na e rey bisando:"
Mahestad, mi amo ae markis di Carabás ta manda su saludo y ta manda
e dos coneonan aki como regalo.""Ay, papa esta bon. Hopi tempo
tin cu nos no a come coneo!"
"Mi no conosé e markis, pero bis130 cu mi ta mashá
contento cu su regalo", e rey a bisa.E pushi a retirá y purá
el a bai bek serca Thomas.
Durante e dianan siguiente e pushi tabata tur dia na palacio pa
hiba mas regalo manera fazant, patrishi etc. Y tan pronto cu e princesa
tabata weité yega e tabata bai contré pa caricia su lana.Un
dia e pushi a tente cu e rey tabata bay keiru cu e princesa den e caraosa
real. E pushi cu tabatatin un plan trahá a core bai serca Thomas
y a bisé: "Amo bai baña den e rio cu ta core banda
di e caminda grandi."
Thomas a keda straña cu e pushi tabata pidié esey, pero
el a haci loke cu e bestia a pidié.Na mes momento e carosa cu e
rey y e princesa tabata pasa.
"Socoro, socoro!" e pushi a cuminza grita. Ladronnan
a bai cu pañanan di mi amo e markis di Carabás.
Awor e no por sali for di den e rio pasobra e no tin paña.E
rey cu a tende esaki mesora a laga para su carosa. Berdad e por a mira
e pober markis ta chapoteá den awa. Mesora el a manda su lacayonan
bai busca algun paña na palacio. E carosa lo a saigui su rumbo.Ora
cu e pañanan a yega Thomas a bistinan.
|
El
a keda enberdad manera un prins y e rey a invité pa sigui keiru
cu nan. Ora cu Thomas a subi den a carosa y a mira e princesa el a keda
enamorá.
Mientras tanto e pushi a core bai nan dilanti y a bisa tur e campesinonan
cu e tabata topa: "Scucha, e rey ta pasa djis aki.
Si e puntra ta di ken tur e tereno y kunukonan aki ta, boso ta
contestá: "Ta di e markis di Carabás."E campesinonan
tabata sa cu e terenonan tabata di un ogro mashá rabioso, pero
e pushi a menazá nan si nan no haci manera el a pidi.
Asina ta cu ora cu e rey tabata detené e carsosa pa puntra
ta di ken tur e terenonan tabata, e tabata haya e contesta:"Di e
markis di Carabás."
"Bo tin un bunita propiedad, markis", e rey a bisa.
"Ta un placer pa mi di tende esey", Thomas a contestá.
Pero su atencion tabata pa e princesa mas cu pa loka tabata pasando rond
di dje. Mientras tanto e pushi tabata caminda pa e castiyo di e ogro.
E tabatatin suerte di hayé na cas.
"Bon dia", e pushi a bisa y el a buig.
"Ta ken bo ta?" , e ogro a puntra bon rabiá.
"Mi ta un pober biahero. Mi a tende cu bo ta e ogro di mas
inteligente. Ta berdad cu bo por cambia na kiko cu bo ke? Ta manera bo
a tende", e ogro a gruña.
Y na mes monemto el a cambia na un leon. E pushi a spanta y a dal
un paso atras. E ogro a tuma su forma bek y a hari.
"Awor mi ta bai duná bo un susto mas grandi", e ogro
a bisa.
Na e mesun instante el a cambia den un oso grandi y feroso.
E pushi a gaña spanta.
Ora cu e ogro a recobrá su forma e pushi a bisé:
"Sigur lo bo por cambia na un bestia chikito tambe."
E ogro kende tabata mashá vanidoso dí: "Wak pa bo mes."
Y mesora el a cambia na un ratón.
E pushi un perde pa gana y a bula riba dje y a comé.Tur
e matanan y flornan a bati man hari. E pahranan a canta de lo mas bunita
pasobra awor e ogro no t'ey mas.Den esey e carosa di e rey a yega na porta.
"Mahestad, bon biní na e castiyo di markis di Carabás,
e pushi a bisa.
Thomas a bisa e princesa: "Mi cas ta na bo ordu."
E princesa a baha y e yiu di e molinero a sunchi su man y a pidié
pa casa cuné.Den un luna di temo nan a regla tur cos pa e casamento.
Henter e pais a fiesta.
E pushi a bira e boswachter principal y danki na su astucia su amo por
a sigui goza di un gran fortuna. Y nan tur hunto tabata feliz..........
|
